Chöh Minë Mikah Tö Holtö Inlēnö El Ngam JW.ORG

Hayööken hī an ngam Paipöl öi la-al në kanihngen re öi el ngih manā-aṅ sakāmö. (2Ti 3:1, 16, 17) Hēṙu pöri öi öt akah elmat öi katöllö minë inlēnö aṅmat ngam Paipöl yěi hòṅ lā-al nup kanihngen re. Tö sā në, inyööngö ömeh öm tö kihngen öm i inruklö më kūönre? Hēk ṙāl tarik hòng më-eṅ öm tö kalaha ṙinātö-ellōn? Kapahlöng öm ṙöng tö pīhöre ngaich öt heuveū öm kēngö ngam miṙivlōn re? Yēḵ meh öm töngatī kanihngen ngaich mihôiṅ öm chuh el ngam jw.org website. Pōyen nun minë ātiköl nö holre tö minë inlēnö aṅmat ngam Paipöl, mahayööken meh min öm lā-al minë kanihngen re.—Inch 2:3-6.

Chuh el ngam raneh mufehe ngam jw.org ngaich click ngam BIBLE TEACHINGS seksön. (Ngëichköm nyat 1.) Yěn ṙòngnyöre kūö ngaich angū-ö, mihôiṅ öm katöllö lōn re tö haköp re. Hēk kô-òren öm click ngam LIBRARY seksön in e min öm kôtökūö tö minë ARTICLE SERIES. (Ngëichköm nyat 2.) Ōt nun inrē minë ātiköl nö el ngam JW Laëprërī.a Mihôiṅ öm chumkūöṙen ngëichken minë ātiköl el ngam laëprërī hēk el ngam website inrē, ṙamlōn man min yěm vë-ekūö u. Ngaich yěm hòṅ chöh öp töhěng topic ngaich kô-òren öm kūichö e el ngam ‘chöh’ pòks ngaich chöhö e.

Kô-òren öm chöh në topic öm el ngam ‘chöh’ pòks ngaich katöllö lōn re tö nup haköp re ātiköl nup tö hameuknyu nö in e ngaich mihôiṅ öm kūichngen u inrē.

• Inruklö më nyīö

• Nup kanihngen më ṙāl tarik

• Yěi kapahlöng tö holre