Inlēnö Hi̇̄ Öi Yūs Ngam Website

Sitih inlahen öi chöh minë raneh mufehe in ngam ātiköl

Pōyen yip prötör sistör tö teūngen in ngam raneh mufehe in ngam jw.org minë tö kētu ātiköl nö yanöölen cha angū-ö yěi in ngam la-en inhangkö ngam tölöök inhānga. Tö lööṙen sinöömö inrē angū-ö ngih ātiköl öi löktö in ngam fūn hēk tëp öi in yip holre. In ngih ātiköl in ṙung öi mikahtu kūöre öi in në ṙētak töngamuh nup tö vënyu inlahngen nö sitih inlahen anū-ö nö teungtökūö minë tö eūka imat ngam Paipöl. Hěng tak öp prötör ihih kamūich nö vënyö ngam raneh mufehe minë yamih ātiköl “nö vai anū-ö nö chehetī hī öi in ngam la-en inhānga.”

In minë yamih pöri ṙētak nö köharīktöre ātiköl in ngam raneh mufehe. Sitih inlahen pöri mihôiṅ öi chöh minë ātiköl nup tö urěhangen nö yih ngaich öt hameūktu anū-ö? Lökten më-eṅ öm chöh in ngam jw.org hēk JW Laëprërī öm klik (click) ngam Laëprërī ngaich chöh “Minë Tahëng Ātiköl” ngaich klikö e hēk chöh “Minë Tahëng Tòpik.” Teūngen min më-eṅ tö minë tö pōyen ātiköl, ngam tö vënyu inlahen in ngam jw.org im raneh mufehe.