Yūs Ngam Raneh Mufehe in Ngam JW.ORG Yěm Vë-eny Ngam Tölöök Inhānga in Yip Tahëng

Halēnlöng nun minë ātiköl hēk vitiō in ngam raneh mufehe nö chö-önyten yip tarik tö yaichö ellōn. (Inl 13:48) Chöngṙen minë tòpik tökētu in u nö löknyö el minë niūs hēk nup kahakkö yip tarik inrē nö vë-ekūöre.

Sitih inlahen öi mihôiṅ yūs ngam raneh mufehe im jw.org yěi fīlt?

• Örheūheu ngëichkö ngam vepsāit. Chumkūöṙen ngëichkö minë tökētu ātiköl hēk vitiō im raneh mufehe elkatòh “Minë Vitiō” inrē. Ngaich sitih inlahen mihôiṅ öm hameuknyen u in yip tarik töyal nö hang ngam tölöök inhānga. (Yěm hòṅ ṙūöhtö mikahkūöre tö nup tö fömngöre kinëtī el ngam vepsāit ngaich klik ngam “Ngëicha Hēk.”) Yěm örheūheu ngëichkö ngam raneh mufehe ngam vepsāit, ngaich teūngen min më-eṅ tö nup tufömngöre inlahen tīre öm vë-eny ngam tölöök inhānga öm in yip tarik.

• Yūs minë tökētu ātiköl hēk vitiō im raneh mufehe yěm vë-ekūö yip tarik. In ngam raneh mufehe minë tö kētu tòpik i alaha minë minkahtölōn, ngaich löktö in e ayī-ö öi akahakūö tö mufē yip tarik ip kamngöre.

• Hameukhömat yip tarik tö ngam raneh mufehe. Vë-eny nang ò tö inlahen ngam “Katöllö Nup Ööilōnre Tòpik”, ngaich hameukhömat ò tö inlahen tī ò nö chöh nup minkahtölōn i alaha minë tòpik.

• Söömtö ngam link. Lohten nö ōt yip tarik töyal nö hang ngam tölöök inhānga, öt ööire pöri yěi chuh in cha öi vë-eny nang cha. Hō pöri cha-a lohten nö chuh el ngam vepsāit hī. In yip tö ngatī inlahen tarik ngaich ui piyu-en öi söömtö link minë ātiköl hēk vitiō, minë tö kētu im raneh mufehe.