Inlēnö Hī Haköp

Kēḵ yanöölen re öm ṙung öm in ngam Kòchpīn Ka-ët më Vamënyen Yāvē Öm chöh ṙô minë miröökö?

Sīöplöre min ngam mikah elnang meh tö ṙô ngam Tēv in minë tökētu miröökö. Tö sā meh min öm akahakūö tö nup inlahngen tö vënyu nö imat ngam Paipöl nö kūö yòh anū-ö nö kūichiyö hēk kinūichngö inlahen chīö inrē angū-ö. Akahakūö inrē min më-eṅ tö manah minë ṙô tö vënyu.

Pòrô öm vë-ekūö ngam Paipöl öm el ngam Chūökamahati ONLINE LAËPRËRĪ hēk JW LAËPRËRĪ ëp ngaich mihôiṅ öm höng löktö in minë miröökö öm ngëichkö ngam ātiköl el ngam Kòchpīn Ka-ët. Yěi hòng mikahtökūö re tö inlahen ngam miröökö öi in ngam Kòchpīn Ka-ët ngaich tip ngam miröökö ngaich hameuktu min öp minkahngö ngam Kòchpīn Ka-ët, ngaich yěm tipö e min ngaich hameuktu min angū-ö nö imat ngam iskrīn meh.

Asā minë samyeūheu ngatī inlahen minë tufömngöre ātiköl nö hameuktu nö lā-tulöng, ngaich lā-taṙeū minë tö hötṙeh ṙô minë miröökö. Ngaich angū-ö töngamuh nö harīlöng.

• Yěi tip nup miröökö in ngam Chūökamahati ONLINE LAËPRËRĪ ngaich vīnyöre kūö nup manah nup miröökö nö in ngam Kòchpīn Ka-ët.

• Yěm hòṅ ngëichkö nup manah minë miröökö öm el ngam JW LAËPRËRĪ, ngaich hòṅ download ngam Kòchpīn Ka-ët më-eṅ ngaich hòṅ örheūheu öm update lökten öm tip ngam lamā-tulöng in ngam istötī pēn ngaich download tö e.