Yūs Minë Chehetī Chamöh

Pōyen nun minë chehetī hī haköphöti kahëtö Yāvē, tö sā minë vitiō, tracts, mekesīn, prosör, līpöre hēk töm Paipöl inrē. (2Ti 3:16) Kētö chehetī chamöh inrē anga-aṅ minë mahayööken hī chöh nup töt mikah elnang hī ṙô ngam Paipöl. Tö sā ngam Vôchtavör Laëprërī, hēk ngam JW Laëprërī ëp, tö ngam Vôchtavör ÒNLĀIN LAËPRËRĪ, hēk ngam Research Guide for Jehovah’s Witnesses inrē.

Yēḵ meh min yūs minë chehetī chamöh öm chöh minë tö aṙū-uti manah ṙô ngam Paipöl, teūngen min më-eṅ tö ṙanamlōn re. Harun ngam haköptöre më-eṅ inrē nö yūsö u. Ṙamölōn min anga-aṅ yěn kahngenre nö chöh sanapṙô nup intöönö yamih nö elkui re.

NGËCHKÖM VITIŌ SHISYÖ PÖNANĒ KĒ KĀM SĒ KUSĪ PĀIYĒ—YÖHOVĀ SĒ MÖTÖT LICHIYĒ—KHŌCHPĪN KĒ SĀTHÖN, NGAICH SAPṘÔ NË INTÖÖNÖ:

• 

  Asuh ök ṙinātö ellōn Krēs tö inlahen në tövīlöngö?

• 

  Isuh ang Nīta nö teūngen tö sanapṙô minë hatön ò?

• 

  Sitih inlahen anga-aṅ nö katöllö nuk vahënyö re nö in Krēs?

• Sitih mufē ök Nīta nö yūs minë chehetī chamöh?