Ṙāmölōn Im La-en Inhānga—Hatön Man

Yāvē “töṙamlōn nö Tēv,” lökten ò nö hōten hī ṙamölōn öi im la-en inhangköm tölöök inhānga. (1Tim 1:11) Yēḵ hī min ṙūöhlö heuneu-en re in ngam la-en, ngaich ṙūöhlöre min ngam ṙanamlōn hī. Tö sa hī kò-òren harunöre öi hatön nup tövai intöönö. Mihôiṅ öi ṙūöhlö kumchik elnang öp hamang yēḵ hī lööngö ṙô hatöönö ò hēk vāyö ranehnyô inrē öi vë-ekūö ò. Yēḵ hī hatön öp tarik, töhěng kangen angū-ö nö tī hī hōten ò nö afītöre tö minë ahang re. (Mët 22:41-45) Yēḵ hī hatön ngaich hangihtöre tö ṙô ò ngaich sā tö ngô ṙô ayī-ö töm vahë-ekūö re, ‘Pōiṙāi man öm imat chu.’ (Yāk 1:19) Hayööken hī min öp sanapṙô öp tarik öi löknyu ṙô hēk öi vë-ekūö ò.

NGËICHKÖM VITIŌ SHISYÖ PÖNANĒ KĒ KĀM SĒ KUSĪ PĀIYĒ—ÖPNĀ HUNÖR PÖRAIYĒ—SÖVĀL PŪCHIYĒ, NGAICH SAPṘÔ NË INTÖÖNÖ:

• 

  Asuh nuk tövai tinrīken Krēs?

• 

  Asuh nuk hatön Nīta nö in Krēs mahayööken òn mikahtökūö re tö ò?

• 

  Asuh nuk hatön Nīta nö in Krēs mahayööken òn yal nö hang ṙô ò?

• 

  Asuh nuk hatön Nīta mahayööken Krēs nö afītöre tö nuk ahang re?