Harun Ngam Mahaköpmat Paipöl Nö Hanôlö Yāvē

Lōnu Yāvē tö hī, öi kūö ngam hanangenlōnre öi löklōn ò. (Mët 22:37, 38) Yēḵ ngam mahaköp mat Paipöl nö hangenlōn tö Yāvē, ngaich mihôiṅ min anga-aṅ nö la-al nup kanihngen re. (1Yô 5:3) Kūö ngam hanangenlōn re min cha-a nö kē ngam vinôkö.

Hòṅ mikahtökūö ngam mahaköp ayī-ö tö Yāvē nö hangenlōn tö ò. Öi sitih inlahen? Hatöönö ò më-eṅ: Asuh öp haköp meh inlahen Yāvē in ngam töhakööpö? Sitih mikahlōn më-eṅ tö Yāvē nö hangenlōn tö meh?” Mikahtökūö ò më-eṅ tö inlahen tī Yāvē nö hayööken ò. (2Kin 16:9) Vë-eny nang ò inrē tö inlahen Yāvē nö sitih inlahen nö kētö sanap ṙô ò nö vë-ekūötēv. Yē hī min meuk ngam mahaköp nö akahakūö tö ngam hanangelōn ngam Tēv ngaich hangenlōn inrē anga-aṅ tö ò, ngaich lōnu min anga-aṅ nö hòṅ hanôlö ò, nagich ṙamlōn ayī-ö.

NGËCHKÖ NGAM VITIŌ HARUN NGAM MAHAKÖPMAT PAIPÖL NÖ HANÔLÖ YĀVĒ, NGAICH KĒTÖ SANAPṘÔ NË INTÖÖNÖ:

• 

  Asuh nup kanihngen Krēs?

• 

  Sitih inlahen ang Nīta nö hayööken Krēs?

• 

  Sitih inlahen Krēs nö la-al nup kanihngen re?