Hayööken Ngam Mahaköp nö Ṙāngen minë Töt Löng Tinrīken

Yip tarik töhëtö tinrīken, höng acha-a tö mihôiṅ nö hanôlö Yāvē. (1Pī 1:14-16) Yē ngam mahaköp min nö ṙāngen minë töt löng tinrīkenre, ngaich yöölen min ngam mikūönö ò, kôlò el alaha min inrē anga-aṅ, öt yëngen inrē minë rupīö ò.

Mikahtö elnang ngam haköptöre tö minë tölöök hachöngten Yāvē, kūö yòh anū-ö nö kētu hēk asuh öp yanöölen ò min yěn kēken u. Hayööken ngam mahaköp nö halööktit nup mufē re tötlöng. Ngaich mihôiṅ min anga-aṅ nö kahngen re nö halööktit re. (Efi 4:22-24) Hayööken ò inrē nö ṙātö-ellōnre tö Yāvē nöng anga-aṅ tö mihôiṅ nö hayööken ò min nö ṙāngen minë hötṙeh tinrīken ò. (Filip 4:13) Haköpten ò nö vë-ekūötēv yěn yih nup tötlēn mufē ò. Vë-eny nang ò tö nup tö mihôiṅ nö chūök ò min nö fukngö. Ngaich hareuskö alaha ò nö kēken nup tölöök la-en, hòṅ ò nö öt fēken minë la-en tötlöng. Yēḵ hī min meuk ngam mahaköp nö kēḵ inyööken re nö in Yāvē, pön hòṅ halööktit re, ngaich ṙamlōn ayī-ö.

NGËCHKÖ NGAM VITIŌ HAYÖÖKEN NGAM MAHAKÖP NÖ ṘĀNGEN MINË TÖT LÖNG TINRĪKEN, NGAICH KËTÖ SANAPṘÔ NË INTÖÖNÖ:

• 

  Sitih mikahlōn öi tö Nītā hēk tö yik minṙöinylen inrē nö ṙinātu-ellōn nö in Krēs?

• 

  Sitih inlahen hēk ang Nītā nö hayööken Krēs?

• 

  Sitih inlahen ang Krēs nö kēḵ inyööken re nö in Yāvē?