Halöinykö Ellōn Ngam Haköptöre

Lamöknyö ellōn töhěng tak ön ngam hinang chööngö ngam Tēv. (Inch 3:1) Lökten nö hòṅ lökngöre ellōn yip haköptö hī tö nup haköp re. Nö sitih inlahen?

Uh man höng vamë-eny nang öp haköptöre tö ṙôm Paipöl, hayööken ò pöri më-eṅ nö asīnkö nup haköp re hòṅ ò nö hanôltöre nö in Yāvē. Mikahtökūö ò tö minë chööngö Yāvē imat ngam Paipöl nö hameuktöm hanangenlōn Yāvē tö hī. Holtö heuneū-en re öm hatön mufē ò tö inlahen minë haköp ò. Hayööken ò nö afēkö nup yanöölen re yěn hang ṙôm Paipöl nö halööktit nup tövaich tinrīken re. Keuheūtnyöre man min tö ṙanamlōn re yěm meuk ngam haköptöre nö hangenlōn tö Yāvē.

NGËCHKÖM VITIŌ SHISYÖ PÖNANE KĒ KĀM SĒ KUSĪ PĀIYĒ—ÖPNĀ HUNÖR PARAIYĒ—TILÔṄ KŌ UPHARIYĒ, NGAICH SAPṘÔ NË INTÖÖNÖ:

• 

  Kuöyòh ang Nīta nö hatönkūö Krēs nö ngö ṙô: “Fēkö nup haköp hāṅ öm vahë?”

• 

  Sitih ṙô ang Nīta nö mikahtö elnang Krēs tö minë chööngö Yāvē nö inmeuktö hanangenlōn ò tö hī?

• 

  Sitih inlahen ang Nīta nö hayööken Krēs nö hameuktö hanangenlōn re tö Yāvē?