Kēḵ Inyööken re In Yāvē Lökten Im Vinë-ekūötēv

Yāvē an ma-asīöp ngam kanô-en nö ellōn ngòh tarik. (1Kò 3:6-9) Lökten ayī-ö hòṅ kēḵ inyööken re in ò yēḵ hī haköptö tarik tö ṙô ngam Paipöl.

Havëkö kūö Yāvē tö inyööken yip tö kē-ě istötī hòṅ cha nö la-al nup kanihngen re. (Filip 1:9, 10) Mihôiṅ inrē öi havëkö ngam töhet fanöinylö nö hayööken hī kēḵ nup tölöng fësla. (Lū 11:13) Harun ngam mahaköp nö kahngenre nö vë-ekūötēv, ṙūöhlö alaha ò inrē nö un ṙāngenre nö vë-ekūötēv. Kēḵ minë-eny yip kahë istötī re yěm vë-elkui cha, pòrô yěm kahngenre hēk hōluṙô tö cha.

NGËCHKÖM VITIŌ SHISHYÖ PÖNANĒ KĒ KĀM SĒ KUSĪ PĀIYĒ —YÖHOVĀ SĒ MÖTÖT LICHIYĒ—PRĀRTÖNĀ, NGAICH SAPṘÔ NË INTÖÖNÖ:

• Asuh nuk kanihngen Nīta nö kēḵ istötī Krēs?

• Sitih inlahen ang Nīta nö kēkö kaha ngam 1 Kòrin 3:6?

• Sitih inlahen ngam kanihngen Nīta nö hö-övö?