Harun Ngam Mahaköp Man Nö Kahngenre Nö Haköp

Yēḵ hī lōnu tö më haköptöre nö sīöp nö im kanô-en, ngaich hòṅ harunö cha ayī-ö nö kahngenre nö haköpmat ngam Paipöl. Ötkô nöng tölngö in minë haköp cha yěn istötī minë mikahkūö cha. (Mët 5:3; Hep 5:12–6:2) Tön hòṅ harūnö cha ayī-ö nö hanëlöre tö minë ṙô ngam Tēv.

Löktökūö im raneh van meh kēḵ istötī, harun ngam haköptöre më-eṅ nö örheūheu nö halēnkö ngam istötī re. (mwb-HI18.03 6) Tölṙô ò nö vë-ekūötēv urēhëkūö ò yěn haköp. Hayööken ò nö yūs minë līpöre imat ngam vepsāit hī. Harunö ò inrē nö ngëichkö nup tö tufömngöre el ngam vepsāit jw.org hēk ngam JW Pròtkāsting inrē. Unôichrit e hēk öm mihôiṅ harunö ò nö örheūheu nö vë-ekūö ngam Paipöl, halēn minë mīting, chöh nup sanapṙô kahëtö re nö el mīting, fēkö minë haköp re inrē.

NGËCHKÖM VITIŌ ÖPNĒ PAIPÖL VITYĀRTIYÒṄ KŌ ÖTYÖN KÖRNĀ SIKĀIYĒ, NGAICH SAPṘÔ NË INTÖÖNÖ:

• 

  Sitih inlahen Nīta nö mikahtö kūö Krēs tö ngam inköpö mat Paipöl, nö rö-ö nöng tölngö im chinööhö sanapṙô minë intöönö?

• 

  Asuh nuk mahayööken Krēs nö ṙātö ellōnre tö minë chööngö Yāvē i alaha mina pamīhöre nö tölöng?

• 

  Sitih inlahen ang Krēs nö haköp inlahen hī ötkô öt fēkö minë haköp re?