Vòchtavör ÒNLĀIN LAËPRËRĪ
Vòchtavör
ÒNLĀIN LAËPRËRĪ
Nicobarese
  • PAIPÖL
  • LĪPÖRE
  • MINË MĪTING
Ṙô Tarik Līpöre (2014-2025)
Log Out
Log In
Vòchtavör ÒNLĀIN LAËPRËRĪ
Vòchtavör
ÒNLĀIN LAËPRËRĪ
Ha-öiny tö yīhi meh in.
Tö halēnlöng tö më Vamënyen Yāvē minë töṙōlkangen ëlô līpöre inyööken hī öi risööch.
Yěm hòṅ taōnlōt minë līpöre ngaich chuh el ngam jw.org.
Minkahtölōn
Ōt nun minë tufömngöre ëlô: Betsimisaraka (Northern), Betsimisaraka (Southern), Konkomba, Matses, Mi'kmaq
  • Töngamuh

Wednesday, 15 Òktopör

Chū-ö chin Alfa, Omeka inrē. —Inm. 1:8.

Ngam “Alfa” nö raneh lëtör ngam Krīk. Ngaich ngam “Omeka“ nö manā-a lëtör e. Lökten ang Yāvē nö ngöṙô: “Chū-ö chin Alfa, Omeka inrē, ” tö ngö manah angū-ö tö Yāvē yěn rultenre nö in nup töng sitih la-enre. Ngaich öthō min nö öt hateungngen u. Unôichrit vinīlö nā Atöm nā Ēva ang Yāvē nö ngöṙô töcha, ‘Mikūönlö yēḵ, ṙūölöre ṙôken inrē, hatöölö ngam tumlat, hayöngö e; minā-aṅv inrē.” (Ran. 1:28) Ik sā ngam Tēv nö vënyö ngam kuilōnre hē e anga-aṅ nö sā tö ngöṙô “Alfa.” Töḵlö min ngih panam tö yip töhet kūön nā Atöm nā Ēva, ngaich ṙôkhöre min chā-a nö hang chööngö Yāvē hēk vī-i min ngih panam nö Peretāis. Yěn teung ngaich min ngam kuilōn Yāvē ip yamih ṙētak sā tö ngöṙô min anga-aṅ “Omeka.” Kētö kërenti hī ang Yāvē unôichrit inlahen ò nö vīlö ngam “halīöngö töm tumlat hēk tö nup aṅ kūö e inrē.” Kilēḵngôre ang Yāvē tö ò min nö hateungngö ngam kuilōnre nö in më tarik hēk ing panam. Keuheūten ngaich anga-aṅ im sinātö sakāmö.—Ran. 2:1-3. w23.11 pěch 5 përa 13-14

Kaheuk Sakāmö Ngëichkö Ṙô Ngam Paipöl—2025

Thursday, 16 Òktopör

Halēn talöökö ngam Mā Tēv yin el tönyaṅlnyi, hachip tökiröng talöökö ngam Tēv hī nö el tönyalnyi.—Isa. 40:3.

Fën chumngëṅtö röön cha-a nö kiröön nö löktö Pēpilön nö chuh Israel pōyen nuk kanihngen cha. Kilēḵngôre pöri ang Yāvē nö in yik Yahūti tö ò min nö halēnlö el talöökö cha. Yik Yahūti pöri tö chiplö nö löklōn Yāvē, akahakūö cha-a töre yěn harööngenre, ngaich pōyen min nup inkôlò taneūngen cha, yē cha nö havan nö chuh Israel. Ngam tökiröng inkôlò cha, tö cha min nö örheūheuh nö ha-öinyö Yāvē. Öt sā inlahen cha nö i Pēpilön, nö öt chūöku nö ha-öinyö Yāvē. Ötrěhěn cha-a nö tahāklu nö kētö tökētu nö asā minë chööngö kahetö Môsës ötṙēhen nö halēnlöng më mākūö kūönṙô nö kētö tökētu pön höng havīlöng cha-a tö më tarik vamë-ekūö insātēv hēk më töt milēḵṙen inrē tö minë chööngö Yāvē. Kirööngen cha-a tö më Yahūti nö in e. Angū-ö ngih lāinyngen më Yahūti nö hòṅ kiröönngöre tö ngam panam hòṅ cha hēk nö havantö inlahenre nö ha-öinyö Yāvē. w23.05 pěch 14-15 përa 3-4

Kaheuk Sakāmö Ngëichkö Ṙô Ngam Paipöl—2025

Friday, 17 Òktopör

Lök talöökö yip kūön hanātö yin.—Efi. 5:8.

Hòṅ kē inyöökenre ayī-ö öi in ngam töhet kumlēḵ hòṅ hī öi örheūheu asīnkö ngam “kūön hanātö.” Kūö yòh? Kūö ngih panam nö tööḵlö tö minë tötlöök la-en. Lökten öi öt lööṙen öi köptī tö ngam tinrīkenre nö het. (1 Tös. 4:3-5, 7, 8) Lökten in ngam töhët kumlēḵ pöri ayī-ö mihôiṅ öi öt halööngenre asīnkö mufē hēk tinrīken ngih panam minë töt sāḵta nö in minë mufē ngam Tēv. Rö-ö nöng angū-ö pöi löktö in ngam töhët kumlēḵ inrē min öi kēken nup ‘taṙôkhöre tölöök la-en.’ (Efi. 5:9) Ngamuh tö hěng inlahen hī yěi hòṅ teūngen tö ngam töhët kumlēḵ, hòṅ vë-ekūötēv. Ngö ṙô ang Yēsū tö Yāvē nö öthō nö öt kē-ěkūö yip “mahavëkökūö ò tö ngam töhët kumlēḵ.” (Lūk. 11:13) Yēḵ hī inrē ṙung öi holṙô re öi ha-öinyö Yāvē el ṙētak mīting ngaich hē e inrē öi teūngen tö ngam töhët kumlēḵ. (Efi. 5:19, 20) Yěn la-evṙen min ngam töhët kumlēḵ nö hī ngaich vaiyö tinrīken min ayī-ö nup tö mihôiṅ nö ṙamlōn tī tö Yāvē. w24.03 pěch 23-24 përa 13-15

Kaheuk Sakāmö Ngëichkö Ṙô Ngam Paipöl—2025
Ha-öiny tö yīhi meh in.
Tö halēnlöng tö më Vamënyen Yāvē minë töṙōlkangen ëlô līpöre inyööken hī öi risööch.
Yěm hòṅ taōnlōt minë līpöre ngaich chuh el ngam jw.org.
  • Nicobarese
  • Söömhang
  • Prifrens
  • Copyright © 2025 Watch Tower Bible and Tract Society of Pennsylvania
  • Köntisön hī öi Yūs
  • Praivēsī Pòlisī
  • Praivēsī Seting
  • JW.ORG
  • Log In
Söömhang