Ngönlöre Ṙinātö-ellōn Ayī-ö In Yāvē Yěi Ngëichkö Minë Vahīlö Ò

Akahakūö ang Yāvē tö nup chūök yanöölen hī. Yēḵ hī min ṙinātu-ellōn tö e nö ngatī, ngaich hang chööngö ò min ayī-ö. (Inch 16:3, 9) Yěn öt sā mufē hī pöri nup ṙô Yāvē nö halēnö hī hē e ayī-ö mihôiṅ kihngen hang nup chööngö ò. Yēḵ hī pöri min chumkūöṙen ngëichkö minë vahīlö ò ngaich meukö ò min ayī-ö nö töt insā-av ṙôken mikah ngaich ngön min ngam ṙinātö-ellōn hī in ò.—Inch 30:24, 25; Rō 1:20.

NGËCHKÖM VITIŌ TÖVIĪLÖNG ÖN NË? SITIH INLAHEN MINË TALKEUCH NÖ ÖT SŌNGTÖRE KŪÖ NÖ IN HÖÖ YĔN KIRÖÖN? NGAICH SAPṘÔ NË INTÖÖNÖ:

• Asuh nup ṙung la-en minë talkeuch?

• Kūö yòh minë talkeuch nö öt sōngtöre kūö nö in höö yěn kiröön?

• Asuh öp haköplö ngòh tarik nö im talkeuch yěn kiröön nö lök el ngam talöökö?

NGËCHKÖM VITIŌ TÖVIĪLÖNG ÖN NË? HEUNEŪ-EN NGAM PÖMPÖLPI NÖ HĚNGÖ KAMNGÖ NÖ KITEŪ, NGAICH SAPṘÔ NË INTÖÖNÖ:

• Asup kanihngen yip tarik yěn kiteūlö nup tö kunkun kumteū chōng?

• Sitih inlahen ang ngam pömpölpi nö köp nö ip chuök re nö kiteūköre?

• Asup vahi vē tarik nö meuk heuneū-en ngam pömpölpi?

Asuh nup vahīlö Yāvē maheuk meh, ma-asiöp ngam rinatö-ellōn meh nö im mikah ò?