Inlahen Tī Hī Yūs Minë Inchōḵtô Vamë-ekūöre

Chumkūöṙen takô yip mahalēnlö minë “inchōḵtô vamë-ekūöre”. Pōyen yip holmaneuk hī tö yöölen tö tī u, yěn vë-ekūö tarik. Kö harīkngöre inlahen pöri ayī-ö in minë kamtö chūök re. Lökten öi mihôiṅ haṙīngö inlahen ṙô re, öi vë-ekūö tarik asā inlahen lōn yip tarik im kamtö hī. Yěn ṙònghöichṙen pöri nup kempēn, ngaich hòṅ hang nup inlēnö re ayī-ö tökētu i alaha ngam kempēn. Pòrô nö kö harīkngöre minë talöökö ṙô hī vë-ekūö tarik, höng hěng ngam chö-öny hī, ngam hinang chööngö Yēsū, hēk inhangköm tölöök inhānga inrē.—Mët 24:14.

Yēḵ hī pöri kētö minë student talk re el mīting, ngaich hòṅ i alaha ngam topic ṙô ayī-ö öi ṙô-òvö ngam tökētu nö im “inchōḵtô vamë-eṅkūöre.” Mihôiṅ pöri öi haṙīngö ngam intöönö, ngam miröökö, ngam intöönö inrē im invanröön hēk ngam setting re inrē. Öthō min öi öt mikahtulōn yěn ōt nup talk, chūök hī sōtu ngatī inlahen. Urěh in sin vahë öi hang minë inlēnö imat ngam Chūn 2020 pustika mumting im pěch 8. Löktökūö ingih pöri ayī-ö ngaich öi kēkö kaha minë tökētu inlēnö in ngih ātiköl.