Ina ni kungekile?
Ina ni lungekile kutxhumayela kumweko ni dibanza?
U ngava u di lungekile kuva muhuweleli wa kwa mbi bhabhatiswa ngako . . .
U txi gonda Bhiblia, u txi maha mkombelo, ni kuxalela mitshangano.
U txi dhunda ditshuri ni kukholwa ka dona ngu mbilu yotshe ni kuva u txi tsakela kugela vamwani ati ti ku mu ka Bhiblia.
U txi dhunda Jehovha ni kusawula vangana ava va dhundako Jehovha.
U si ngadi u pateka ka wukhongeli wa makuhu mwendo ka politika.
U txi hanya ngu ti Jehovha a ku ngu tona i ku ta tinene ni kulava kuva mmweyo wa Tifakazi ta Jehovha.
Ngako se u txi tipfa to u lungekile kutxhumayela kumweko ni dibanza, awu a ku gondelako Bhiblia a na gela madhota kasi ku mi va ni mtshangano ti to me wona to ina u lungekile kuva muhuweleli kani.
Ina ni lungekile ti to ni bhabhatiswa?
U nga bhabhatiswa ngako . . .
U di muhuweleli wo mbi bhabhatiswa.
U txi maneka ko txhumayela yotshe mbimo nga ha siemo sako si ku tumelelako ngu kona.
U txi londisa mkongomiso wa “txithumi txo thembeka na txi di ni wutxhari.” —Matewu 24:45-47.
U di tiningetete ka Jehovha ngu mkombelo ni kulava ku mthumela ngu ha ku si gumiko.
Ngako se u txi tipfa to u lungekile kubhabhatiswa, awu a ku gondelako Bhiblia a nga gela madhota ti to me va ni mtshangano ni nawe kasi ku me wona ti to u lungekile kuva mmweyo wa tifakazi ta Jehovha kani.