Wutomi wa kutiñola ni wa txithavo wu nga va ni mihando

Txikombiso txa txinene txa wamsikati wu i ku Mkristu, txi talisa kuvhuna mwamna wakwe ti to e va Mkristu. Kambe ti nga lava ku msikati e lwisana ni sikarato kudingana malembe o tala. (1 Ped 2:21-23; 3:1, 2) I di ti to ta kuhumelela, simama u xula kubiha ngu wunene. (Var 12:21) Txikombiso txako txa txinene txi nga va ni wuyelo ya yinene kupinda mapswi.

Zama kupfisisa mawonelo a mwamna wako. (Vaf 2:3, 4) Kombisa kualakanyela ni wumbilu, se u zama kuhetisisa wutixamuleli wako kota wamsikati wa mnene. Vana muengiseli wa mnene. (Jak 1:19) Laphisa mbilu ni kutshukwatisa nzila yi u mu randako ngu yona. Hambi i di ti to ene kha ku kombi wunene ni kwa mbi kuxonipha, tsaniseka ti to Jehovha a teka txikombiso txako txa txinene i di txa lisima.—1 Ped 2:19, 20.

XALELA VHIDHIYO YI YI KU: JEHOVHA A HI NINGA MTAMO WO WONISANA NI SIEMO SOTSHE, U GWITA U XAMULA SIWOTISO SI SI LONDISELAKO:

• Wu ti njani wutomi wa Grace Li makhatoni ka mtxhadho wakwe?

• Nji txani txi nga mu maha e tsakela ditshuri da Bhiblia?

• Mwanathu Li a mahile txani ti to e wonisana ni sikarato si a nga manana naso msananyana kova a di bhabatisilwe?

• Nji txani txi mwanathu Li a nga txikombela ngu mwamna wakwe?

• Ngu yahi makatekwa ya mwanathu Li a nga ma mana ngu kona ha ka mahanyelo akwe a manene ni txixonipho?