Jehovha ni Jesu va na hi hulukisa

Ngu sihi sikarato si u wonisanako naso ditshiku ni ditshiku? Ina u msungo wa mwaya ni ku u ni wutixamuleli wo tala? Mwendo u wunja vanana u di wekha se ti lava u thuma ngutu kasi kuwunja mwaya? Ina u mphya wu u ku ngadi u txi gonda se u wonisana ni kupoyilwa ngu vagondi kuloni? Ina u wonisana ni sikarato sa malwati mwendo kukula ngu tanga? Phela hotshethu ha manana ni sikarato. Wungi wa vanathu va wonisana ni sikarato soneso ngu mbimo yimweyo. Kambe ha tiziva to i si nga kale, Jehovha a na hi khulula ka sikarato soneso.—2 Vak 4:16-18.

Hi txi nga txi emela kuhoka ka ditshiku donedo, ha tsaka ngu kuziva ti to Jehovha wa si pfisisa sikarato si hi wonisanako naso. Ene wa tsaka ngu kuthembeka ni kutimisela kwathu, se mbimo yi yi tako a na ta hi hakela. (Jer 29:11, 12) Jesu nene wa khatala ngu mmwani ni mmwani wathu. Ngu toneto mbimo yi hi wonisanako ni sikarato hi fanete kukhumbuka mapswi a Jesu aya ma ku: “Ni ni nanu.” (Mat 28:20) Ngako hi txi alakanyisisa ngu kuhulukisa aku Jehovha a hi thembisako, hi na tsanisa themba ni kutiemisela kwathu ko simama hi timisela sikarato si hi wonisanako naso konkuwa.—Var 8:19-21.

XALELA VHIDHIYO YI YI KU: VEKA MAPIMO AKO KA JESU MBIMO YI XANISA YA HOMBE YI TSHUKETELAKO!—MAKATEKWA YA MA NO TISWA NGU MFUMO, U GWITA U XAMULA SIWOTISO SI SI LONDISELAKO:

• Vathu va hambanisilwe ni Txizimu ngu nzila yihi? Ni ku kuve ni wuyelo yihi?

• Ngu yahi makatekwa aya ma no ta manwa ngu va va thembekako ka Jehovha mbimo yi yi tako?

• Ti na kotekisa kutxani toneto?

• Ngu yahi makatekwa aya u ma emelako ka mafu a maphya?