U nga maha txani kasiku u sikota kulera Bhiblia ditshiku ni ditshiku?

Ina ta kukaratela kulera Bhiblia ditshiku ni ditshiku? Phela aku hi nga talelwa ngu mithumo, hi nga thuka hi tandeka kulera Bhiblia ditshiku ni ditshiku. (Jox. 1:8) Ti di ngeto, ati ti londiselako ti nga kuvhuna:

• Veka alarme. Veka alarme ka fone yako kasiku yi ku khumbutisa kulera Bhiblia.

• Veka Bhiblia ka wukhalo wu ti no kuhehukela ku yi wona. Ngako u txi thumisa Bhiblia yo imprimirwa, yi veke ka wukhalo wu ti no kuhehukela ku yi wona ditshiku ni ditshiku.—Dhewut. 11:18.

• Engisela audhiyo ya Bhiblia. Engisela audhiyo ya Bhiblia mbimo yi u mahako mithumo ya ha mtini. Tara awu aku ni vanana, i ku nyaphandule ni ku a thuma ni wusiku, a womba tiya: “Kuengisela audhiyo ya Bhiblia mbimo yi ni mahako mithumo ya ha mtini ta ni vhuna ku ni gonda Bhiblia ditshiku ni ditshiku.”

• U nga godhole. Ngako u txi tandeka kulera Bhiblia ngu mbimo yi u nga ti vekisela ngu yona, zama kulera mavhersikulo a madotho u si se otela. Phela kulera Bhiblia hambi i di ti to ma vhersikulo a madotho, ti nga va ni wuyelo.—1 Pedro 2:2.