Vhuna sigondo sako ti to si ti dyisa ngu didhawa da moya

Ngu ditshuri awe wa tilava ti to sigondo sako si kula ngu didhawa da moya ni ku si ya si mziva ngutu Jehovha. Kasi ku toneto ti maheka txigondo kha txa fanela dwe kutidyisa ngu didhawa da moya ngu ti txi tigondako txi di ni mgondisi wa txona. (Mat 5:3; Vaheb 5:12–6:2) Aniko txi fanete kugonda ku tidyisa ngu didhawa da moya.

Ka tigondo to khata, gondisa txigondo txako ku lulamisela gondo, ni ku mbimo yotshe txi gele ngu lisima lo lulamisela. (Txibhukwana txa mitshangano 18.03 6) Hahatshe keto, kuzeta txigondo txako ti to mbimo yotshe txi maha mkombelo txi si se khata gondo ya txona txi puni. U nga tshumela u txi komba nzila yo thumisa ma site ni ma Aplikativo ti to txi gonda, ni ku txi txhamusela nzila yi txi nga manako ta tiphya ditshiku ni ditshiku ka site ya jw.org ni ka JW Broadcasting^®. Kudotho kudotho, gondisa txigondo txako ti to txi gonda Bhiblia ditshiku ni ditshiku, txi lulamisela mitshangano ni ku maha wuxolisise ngako ku di ni ti txi si ti pfisise. Ni ku txivhuna txi alakanyisisa ngu ti txi ti gondako.

XALELA VHIDHIYO YA DRAMA YI YI KU VHUNA SIGONDO SAKO TI TO SI TI DYISA NGU DIDHAWA DA MOYA, U GWITA U XAMULA SIWOTISO SIYA:

• 

  I ngu nzila yihi Rita a nga vhuna Rosa e wona ti to kugonda hi nga ku manetela tixamulo basi?

• 

  Nji txani txi nga vhuna Rosa e kholwa ti to Jehovha a womba ditshuri a txi tsimbisa kutiñola ko biha ngu ta mataho?

• 

  Nji txani txi Rosa a nga txi tumbula ngu kualakanyisisa?