Vaphya phofulelani timbilo tanu ka vaveleki vanu

Ngu kutxani i di ta lisima kubhula ni vaveleki vako u di txhatxhekile? (Mav 23:26) Ngu ku Jehovha a ningile vaveleki vaku wutixamuleli wo kukhatalela ka totshe. (Mas 127:3, 4) Nguku ti nga vakaratela ku kuvhuna u txi manana ni sikarato ngaku u si bhuli navo. Ti nga maha vaveleki vako va di vite ni sikarato si sifanako ni ku unga gonda to tala ka ti va nga ti hanya. Kambe ina ti bihile kuva ni to kari ati ti ziwaku ngu ngawe wekha? Khata biha kambe ti woneli kusisa ati vaveleki vako va ku ni fanelo yo tiziva.—Mav 3:32.

U nga bhulisa kutxani ni vaveleki vako? Sawula mbimo ya yinene kasi ku bhula ni vaveleki vako. Ti txi kukaratela kubhula navo va bhalele txipasiyana u va gela a ti u ti pfisako tona. Se nga ku i di timhaka ti u ti pfako u sa txhatxheka ku wombawomba navo? Khumbula to vaveleki vako va lava ku kuvhuna, ni ku vangana vako. Ngaku u txi ti karatela ku phofula ta mbiloni ka vaveleki vako ti na ku vhuna konku ni ka wutomi wako wotshe!—Mav 4:10-12.

XALELA VHIDHIYO YI YI KU WUTOMI WA VAPHYA—NZILA YO WOMBAWOMBA NI VAVELEKI VANGO, U GWITA U XAMULA SIWOTISO SIYA:

• 

  Ngu tihi a ti Elsa ni Patricio va nga titumbula kasi ku ve ti tshukwatisa?

• 

  U nga gonda txani ka txikombiso txa Jesu?

• 

  Vaveleki vako va ku kombisile kutxani to va ku khatalela?

• 

  Ngu yahi matshina a milayo a ya ma nga kuvhunako to u bhula ni vaveleki vako?