U nga txi thumisisa kutxani txienge a txi txi ku sikombiso sa mabhulo a Bhiblia

Sengeletano yi ti karata ngutu ti to yi lungiselela sikombiso sa mabhulo a Bhiblia, vahuweleli vavangi va wuyelwa ngu ku thumisa sikombiso siya. Kambe siemo sa hambana ngu kuya ngu makhalo, ngu toneto va di kutxhumayelani vahuweleli va nga thumisa txiwuletiso tximwani mwendo ku womba mahaka yimwani yi yi gwesako vathu va teritoriyo yoneyo. Ditshuri ti to, mbimo yi ku ku ni ditima do sawuleka hi fanete hi thumisa mikongomiso yi yi ningelwako. Txikongomelo txathu ngu engisa mlayo wa Jesu wo txhumayela evhangeli ya mfumo.—Mat 24:14.

Ka siavelo sa txigondo, vahuweleli va fanete kuthumisa txienge txi txi ku sikombiso sa mabhulo a Bhiblia ka Txibhukwana txa mitshangano. Ngako ku si na mkongomiso wumwani vahuweleli va nga sawula txiwotiso ka sikombiso, txiwotiso txa liendo lo wuyela ni mbhalo wa Bhiblia ngu kuya ngu siemo sa wukhalo wonewo. Eto ti txitxa mkongomiso wu ku ka pajina 8 ka Txibhukwana txa mitshangano txa Junho wa 2020.