Magondelo A Manene

Sawula ti i ku ta lisima ngutu

Hotshethu kha hi na mbimo ya yingi yo ti mahela gondo yathu hipune. Se hi nga yi thumisisa kutxani mbimo yathu ngu nzila ya yinene? Txo khata, ti vekele mbimo. Ngako u txi gonda timhaka ta tidotho ngu mthuthala u na wuyelwa ngutu kupinda kugonda timhaka ta tingi na u txi kuluvetela.

Msana keto, sawula ti i ku ta lisima ngutu. (Vaef. 5:15, 16) Ndite tinzila ti ti nga ku vhunako:

• Lera Bhiblia ditshiku ni ditshiku. (Mas. 1:2) I nga va tinene ku khata ngu makapitulo ya hi gondako ka mitshangano ya hagari ka divhiki.

• Lulamisela gondo ya Muwoneleli ni mitshangano ya hagari ka divhiki. Lulamisela kwati ti to u kota ku ya xamula.—Mas. 22:22.

• Ngako u txi mana mbimo, ti dile ngu timhaka timwani ta moya, to fana ni kugonda mabhuku, marevhista, kuxalela mavhidhiyo ni timhaka timwani ati ti ku ka jw.org.

• Khata ngu mhaka yi yi ku tsakisako ngutu. Ngako u txi wonisana ni txikarato, u di ni txiwotiso txo kari mwendo mhaka yo kari ayi u lavako ku yi pfisisa kwati mu ka Bhiblia, maha wuxolisisi. Kasi kumana to engeteleka, wuseta txienge txi txi ku “Exercícios Bíblicos” txi manekako ka jw.org.