Gonda ka mifota

Mabhuku athu ma tate ngu mifota ayi yi nga hi gondisako tigondo ta lisima. Se u nga yi thumisisa kutxani mifota yoneyo kasiku yi kuvhuna?

• U si se khata kulera msungo mhaka wo kari, khata ngu kuwona mifota. Mifota yi nga kumaha u navela ni ku kukuzeta ku u lera wotshe msungo mhaka. Ngako maso ako ma txi wona sakudya so tshamba, u nga navela ku si dya. Ngu ha kufanako, awe u nga tsakela kulera msungo mhaka wo kari ngako u txi khata ngu kuwona mifota.—Amosi 7:7, 8.

• Mbimo yi u lerako msungo mhaka wo kari, pimisa ngu ti to ngu kutxani mifota yoneyo yi di vekilwe. Lera titxhamuselo ta mifota ngako ti diho. Pimisa ngu kuyelana aku kuho ka mifota ni maparagrafu ni nzila yi u nga ti thumisako ngu yona ka wutomi wako ati u nga ti gonda ka mifota yoneyo.

• Msana ko lera, thumisa mifota kasi kuwuseta tipontu ta lisima ta msungo mhaka wonewo. Ngu magwito, vhala maso u zama kukhumbula mifota ni ti u nga ti gonda ka yona.

• Tshumela u wona mifota ayi yi ku ka direvhixta donedo, u wona to mwendo u nga txi khumbula tipontu a ti u nga ti gonda ka yona.