Ma thumisi kwati ma referências marginais

Ti nga maha u di ni Bhiblia ya Tradução do Novo Mundo das Escrituras Sagradas ayi yi ku ni ma referências marginais ngu lidimi limwani, lo fana ni Txitxhangana mwendo Txiputukezi. Mareferensiya onewo ma kombisa nzila yi tindimana to tala ta Bhiblia ti yelanako ngu yona. Kasiku u mana ma referências marginais ka ndimana yo kari ya Bhiblia, xola txiletrana magwito ka dipswi do kari da ndimana. Ka Bhiblia yo imprimirwa, u na mana siletrana soneso si di folisetwe hagari ka diphepha da Bhiblia, se koneho u na wona tindimana ati ti nga vekwa ti yelanako ni ndimana yi u yi gondako. Se ka site ya jw.org mwendo ka aplikativhu ya JW Library^® dheketa kona hale ka txiletrana.

Ma referências marginais ma nga kuyisa ka timhaka ti ti londiselako:

Mibhalo yo yelana: Referensiya yiya yi ku yisa ka dibhuku dimwani da Bhiblia di ku ni mhaka yo fana ni yi u yi lerako. Ngu txikombiso, wona 2 Samuwele 24:1 ni 1 Makronika 21:1.

Masitasawu: Referensiya yiya yi ku yisa aha mapswi a ndimana yo kari ma nga khata kona kuwombwa. Ngu txikombiso, wona Matewu 4:4 ni Dhewuteronome 8:3.

Kuhetiseka ka wuprofeti: Referensiya yiya yi hi vhuna kuwona nzila yi wuprofeti wo kari wu nga hetiseka ngu yona. Ngu txikombiso, wona Matewu 21:5 ni Zakariya 9:9.