Tshukwatisa wusikoti wako wo txhumayela—Kutxhumayela ngu kuthumisa foni

NGU KUTXANI TI DI NI LISIMA: Kutxhumayela ngu kuthumisa foni yimwani ya tinzila to “txhumayela evhangeli ya kateko.” (Mith 20:24)a Nzila yiya ya hi vhuna kutxhumayela avale ti si kotekiko ku va endela mitini kwawe.

U NGA MAHISA KUTXANI:

• 

  Ti lulamiseli. Sawula msungo mhaka wu wu tsimbitisanako ni txiemo. U gwita u bhala ti u lavako ku ti wombisa tona. U nga tshumela u lulamisela ni mhaka yo koma yi txhamuselako txikongomelo txako txo fona, ngako foni yi si tenderwi ngu nyamne. Ti to u vhuneka kwati zumba hafuhi ni foni yi yi ku ni aplikativho ya JW Library^® mwendo jw.org^®, mwendo mabhuku mamwani ya u no ma lava

• 

  Vana ni mthuthalo. Womba-womba ngu nzila ya mtumbuluko. Seka u thumisa sihango u txi womba-womba, nga wo va masoni ka wu u bhulako nayo. U nga malale ti si sungi. U nga thuma ni vamwani ti to u va ni mthuthalo. Ngako nyamne wa mti a txi kumaha txiwotiso, tshumela u txi womba ngu dipswi do pfala ti to awu u thumako nayo e kota kutxipfa kasi ku e kuvhuna kuxola xamulo

• 

  Siya mhaka yo mi ta bhula ngu yona. Ngako m’thu a txi kombisa kutsakela, u nga siya txiwotiso atxi u no ta xamula dikhambi di u no tshumela u mfonela. U nga tshumela u m’gela to u nga ti tsakela ku ya mninga dibhuku mwendo ku mrumela ngu email. U nga tshumela u mwotisa to mwendo a nga ti tsakela ku u mrumela mhaka yo kari yi ku ka marevhista athu ni mavhidhiyo ngu mesaji mwendo ngu email. Ngako txiemo txi txi tumela u nga m’bhulela ngu Gondo ya Bhiblia Online, mwendo ngu makhalo mamwani a site yathu