Sithumiswa sa sinene sa dibhuku di di ku Hanya wutomi wo tsakisa kala kupinduka!

Ina wa ti dhunda kuthumisa mavhidhiyo ni siwotiso si ku ka dibhuku di di ku Hanya wutomi wo tsakisa kala kupinduka! Se u si wonisa kutxani siyenge si si ku “Ngako vathu va txi khona,” “U nga maha tiya,” ni txi txi ku “Xota timwani”? Ngu tihi tinzila timwani ta tinene ati ti nga kuvhunako ti to upateka ka mthumo wo maha vagondiswa?—Mat 28:19, 20.

Mavhidhiyo, mabhuku ni ma audhiyo: Se nga ku awe u txo sawula kutshimbitisa txigondo ngu kuthumisa dibhuku do ganjwa u nga sikotisa kutxani ku kombisa mavhidhiyo ni simwani ka wukhalo wumwewo ngu nzila yo hehuka? Ka diya da eletroniko sawula mune wa tiponto ta lisima. Ngu hahatshi ka tigondo ta dibhuku diya dheketeka koneho u na mana sotshe si si lavekako ti to u si thumisa ka gondo yimwani ni yimwani. (Wona mfota 1.)

Kuprogramara nzila yo thumisa “Dibhuku do ganjwa”: Ngako u txi thumisa txithumiswa txa eletroniko u txi gonda ni m’thu mbimo yi mwani ti nga va tinene kuprogramara nzila yo thumisa “Dibhuku do ganjwa” ka txithumiswa txako txa eletroniko se mi thumisa dibhuku donedo. Mndani ka gondo ku ni sipontwana siraru si ku ngu txitimwi si dhekete u sawula ha ku ku “Edição impressa.” Eto ti na kuvhuna ku wona nzila yi ti mi ti gondako ti tsimbitisanako ni msungo mhaka wa gondo yoneyo. Ngako u txi lava kutshumela u ya ka di da eletroniko u nga dheketa kambe a hale ka sipontwana sa siraru u sawula ha ku ku “Edição Digital” mwendo u dheketa ka txiredhondana txi wuyako ngu hahatshi.

“Ina ni lungekile?”: Ka mabhokiso ya ma ku magwito ka dibhuku diya ma kombisa tinzila ti u nga ti mahako ti to u txhumayela ni dibanza ni ku tshumela u bhabhatiswa. (Wona mfota 2.)

Titxhamuselo to gwitisa: Txienge txiya txi ni timhaka timwani ta lisima. Ka dibhuku da eletroniko ku ni link magwito ka titxhamuselo ayi yi no kuvhuna ku u tshumelela ka gondo yile u nga ema ka yona. (Wona mfota 2.)