Nagpadayag ug Makalilisang nga Sugilanon ang mga Salaan!

ANG mga tag-iya sa mga restawran sa New York City dugang ug dugang nga gikomprontar sa mga parokyano nga naghangyo nga sila ipalingkod layo gikan sa mga tigpanabako. Samtang ang uban lud-on sa paghunahuna sa paghingos sa mahugawng mga buga sa mga tawo nga nagpanabako, ang uban nagreklamo nga ang makaluod, bahong aso nga gikan sa mga tabako, sigarilyo, o kuwako makadaot sa makapagana sa pagkaon nga baho nga makadugang sa kalami sa usa ka maayong pagkahikay nga pagkaon. Si Richard Lavin, nga tag-iyag restawran, kombinsido nga biyaan sa mga tigpanabako kining dili maayong batasan kon ila lamang makita ang mga salaan sa mga makinang tighinlo sa hangin nga nag-andar sa iyang kan-anan. Siya miingon nga “itom kaayo sila, kinahanglang hugasan pa namo sila ug asido makaduha sa usa ka semana.”

Handurawa lang ang mahugawng mga epekto sa tabako diha sa mga baga ug sa mga tutunlan sa mga dili tigpanabako ug ilabina gayod sa mga tigpanabako!