Kanus-a ang Baboy Dili Usa ka Baboy?

ANG tubag mao, Sa dihang ang cholecystokinin moingon, Husto na! Kon dako ra kaayo kanang ihabhab, sulayi ang CCK. Kini mao ang hormone nga ipagawas sa baboy sa dihang mokaon sila. Kon puno na ang ilang tiyan, mosignal ang CCK sa ilang utok, ‘Hunong na, human na ang pangaon.’ Ang mga baka, karnero, ug ubang mga hayop sa uma mokaon hangtod nga sila makuyapan, apan dili ang labing ginadaot nga dungog nga mga baboy! Ang mga mag-uuma sa baboy naglantaw niini ingong usa ka babag sa pagpatambok sa ilang inalimahan, ug sa ilang bulsa.

Ug may gihimo sila bahin niana, sumala sa gitaho diha sa The Wall Street Journal: “Diha sa pagtuon sa Departamento sa Agrikultura, nadiskobrehan sa mga siyentipiko nga ilang mababagan ang hormone pinaagi sa pag-indiyeksiyon sa mga baboy ug bakuna nga mohatag kanilag maayong gana, busa mahimong tinuod nga baboy. Dili moabot ug tulo ka bulan, ang giindiyeksiyonang mga hayop makahurot sa aberids ug 10 ka kilogramos nga pagkaong mais ug soybeans, ug makadugag 5 kilogramos pang libra sa tambok, kay sa ilang wala-katambaling mga higala sa alad.”

“Ang tanang mga hayop,” kami gisultihan, “mohimog CCK sa nagkalainlaing gidaghanon.” Ang mga tawo duna niini, ug may gihimo pang pagtuki sa pagsusi kon kini magamit ba aron sa pagsumpo sa dili-makontrolar nga gana. Ang walay-kuto nga mga kumakaon, ang taho nag-ingon, “nagpakitag dakong pagkunhod sa gidaghanon sa CCK ug katagbaw.” Apan kini midugang nga kining “pag-us-os sa CCK tingali maoy epekto sa nabaldang batasan sa pagkaon kay sa hinungdan niini.” Diha sa mga tawo, kini gituohan nga duha ka rehiyon sa hypothalamus gland, ang katagbaw ug ang mga sentro nga tigpakaon, mokontrolar sa pagkaon. Apan ang tukmang obra niining mga sentro sa pagkontrolar madaot tungod sa dugayng yugto sa sobrang-kaon. Ang tubag alang niini mao ang Galacia 5:22, 23: “Ang bunga sa espiritu mao ang . . . pagpugong sa kaugalingon.”