Usa ka Sulat sa Apresasyon

ANG mga Saksi ni Jehova sa matag tuig nagapatik ug nagaapod-apod sa tinagpulo ka milyong mga kopya sa Bibliya ug mga libro nga motabang sa pagsabot sa Bibliya. Dili pa dugay, usa ka estudyante sa Bibliya gikan sa Texas, U.S.A., nakadawat gikan sa iyang 20-anyos nga pag-umangkong lalaki ug usa ka sulat sa apresasyon alang sa mga kopya niining mga publikasyona nga iyang gihatag kaniya. Ang mosunod, sa bahin, mao ang iyang mga komento mahitungod niining mga basahona:

“Minahal nga Tiya Irene ug Pamilya,

“. . . Karon maoy ala 1:00 s.b., busa ako wala mahibalo kon unsa ka tas-a kining akong sulat, apan paningkamotan kong isulti ang tanan nga gusto kong isulti, ug kana maoy sa pag-ingong salamat kaninyo!

“Ang mga libro nga inyong gipadala kanako sa pagkatinuod kahibulongan kaayo! Sila sa pagkatinuod maoy labaw kay sa akong gilaoman. Sila nakadugang sa lamas sa tanang butang; kanang usa ka diyutayng sambog nga nakapahimo niini nga makaiikag ug takos sa paningkamot nga basahon.

“Life . . . by Evolution or by Creation makahawid gayod sa pagtagad! Ang mga awtor niining libroha takos sa kinasingkasing nga pahalipay! Ang mga pagpatin-aw maoy praktikal, lohikal, ug makataronganon. Ang akong paboritong linya sa libro mao ‘Ang kinabuhi nga gimugna pinaagig aksidente ikatandi sa usa ka kompletong diksiyonaryo nga miresulta gikan sa usa ka pagbuto diha sa patikanan.’ Pagkakatingalahang pagkahan-ay!

“Paraiso [Ikaw Mabuhing Walay Kataposan Diha sa Paraiso sa Yuta] maoy laing nindot nga pagkasulat nga libro. Kining libroha nagsubli sa daghang mga butang nga akong nabasa apan mas maayo ug masaligon kay sa ubang materyal. Taposonon pa nakog basa kining libroha.

“Nangatarongan [Gikan sa Kasulatan] mao ang diksiyonaryo nga dugay ko nang gipangita. Ang lohikal nga pangatarongan may labot sa pangunang mga pagtulon-an nga wala ko masabti kaniadto; Biblikanhong mga hunahuna bahin sa mga topiko karong adlawa. Bug-os nga katingalahan! Usa ka libro nga kinahanglan gayod nga tukion; ako magpasalamat kaninyo pag-usab.

“Mga Pangutanang [Gisukna sa mga Batan-on​—Mga Tubag Nga Mosaler] maoy usa ka libro nga mapuslan kaayo karong adlawa. Gigamit ko kini sa pagtambag sa akong minahal nga higala kinsa adunay pipila ka suliran bahin sa pakigdeyt. Ang makataronganong mga tubag sa pagkatinuod makataronganon kaniya. Nakita ko usab kini nga makatabang sa personal sa pagsabot sa akong kaugalingon sa labi pang maayo. Salamat kaninyo.

“Ug sa kataposan, ang New World Translation. Kini nga bersiyon mas sayong sabton kay sa akong KJV [King James Version] nga sa ingon kanunay ko kining ginatan-aw kay sa usa . . . Panalanginan kamo sa Diyos alang niining hamiling mga gasa! . . .

“Kon wala pa ninyo ako padalhi niining libroha tingali tugob pa ako sa pagkaluoy ko sa kaugalingon, apan karon ako aduna nay mga instrumento sa pagpakiglabot sa akong kahimtang, ug usa kana ka butang nga lisod baslan. Ipasigarbo kamo ni Jesus. Ug ako usab!

“Daghan kaayo akog nakat-onan sa mubo ra nga panahon, kini tinuod nga makapaukyab! Wala ako magdahom nga ang Bibliya maoy ingon ka makaiikag ug makapadasig. Ako karon aduna nay lig-ong mga katarongan sa pagsagubang sa mga kalisdanan sa kinabuhi nga gihatag ni Satanas kanako, ug gusto ko nga ipakig-ambit kini sa kalibotan. Salamat kaninyo!

“Palihog ipangomosta ako sa pamilya. . . .

“Iampo ko kamong tanan!

Mapasalamaton,

Michael”