Nahibalo Ka Ba?

(Ang mga tubag niini nga pasulit makaplagan diha sa gisitar nga mga teksto sa Bibliya, ug ang bug-os nga listahan sa mga tubag gipatik sa panid 27. Alang sa dugang impormasyon, tan-awa ang publikasyong “Insight on the Scriptures,” nga gipatik sa Watchtower Bible and Tract Society of New York, Inc.)

1. Tungod sa haladnong papel ni Jesus, gitawag ni Juan Bawtista si Jesus ingong unsa? (Juan 1:29)

2. Unsa ang yuta sa “kinalay-ang mga dapit sa amihanan” nga gigikanan sa panon sa kasundalohan ni Gog? (Ezequiel 38:​2, 15)

3. Unsa man ang madaot sa “daotang pakig-uban”? (1 Corinto 15:33)

4. Sa unsang paagi ang hamtong nga mga tawo “nakabansay sa ilang kagahom sa pag-ila nga mailhan ang husto ug sayop”? (Hebreohanon 5:14)

5. Sa dihang misulay sa pag-ilog sa pagkahari, unsa may gibuhat ni Absalom ug Adonias? (2 Samuel 15:​1; 1 Hari 1:5)

6. Sumala kang Pablo, unsa ang dili makaingon ngadto sa kamot: “Wala akoy panginahanglan kanimo”? (1 Corinto 12:21)

7. Kinsa ang amahan ni Josue? (Josue 1:1)

8. Gitagna ni Miqueas nga sa ulahing mga adlaw, ‘ang bukid sa balay ni Jehova lig-ong pagatukoron’ diin? (Miqueas 4:1)

9. Diin si Achan ug ang iyang panimalay gibato hangtod nga namatay? (Josue 7:24)

10. Sa pagpasiugda sa panginahanglan sa pagtuo, unsay giingon ni Pablo nga kinahanglang tuohan sa usa mahitungod sa Diyos? (Hebreohanon 11:6)

11. Kinsa ang apo nga lalaki ni Cain? (Genesis 4:​18)

12. Unsa ang kagikan ni Haring Saul? (1 Samuel 9:21)

13. Kinsa ang manalagna nga gigamit sa Diyos sa paghatag kang David sa tulo ka silot nga kapilian tungod sa pagpangahas sa pag-ihap sa katawhan? (1 Cronicas 21:​9-12)

14. Kinsay sad-an sa pagpakighilawas sa Dakong Babilonya? (Pinadayag 17:2)

15. Unsang bulana ang gitudlo ni Jehova ingong una sa sagradong Hudiyohanong kalendaryo? (Ester 3:7)

16. Kinsa man kadtong nangulo sa alyansa sa mga hari nga nagbihag sa pag-umangkon ni Abraham nga si Lot? (Genesis 14:9)

17. Pinaagi sa paghisgot sa unsang duha ka besti nga si Ahazias nakasabot nga si Elias mao ang nagpadala sa mensahe nga ang hari didto mamatay sa higdaanan nga iyang gihigdaan samtang siya masakiton? (2 Hari 1:8)

18. Ang mga igsoong lalaki sa Sulamitang dalaga nagtudlo kaniya sa unsang posisyon, nga naghimo kaniyang maitom? (Awit ni Solomon 1:6)

19. Unsang espeling sa balaang ngalan ang gipaboran sa daghang eskolar?

20. Unsang ngalan ang gihatag sa Manggugubat-Hari, si Jesus, ug gisulat diha sa iyang panggawas nga mga besti? (Pinadayag 19:16)

Mga Tubag sa Pasulit

1. “Ang Kordero sa Diyos nga nagakuha sa sala sa kalibotan”

2. Magog

3. “Mapuslanong mga batasan”

4. “Pinaagi sa paggamit”

5. Ang matag usa adunay karo nga gihimo alang kaniya, nga may 50 ka tawo nga nagdagan nga magauna niana

6. Ang mata

7. Nun

8. “Ibabaw sa kabukiran”

9. Sa walog sa Achor

10. “Nga siya mao ug nga siya maoy tigganti sa mga matinuorong nagapangita kaniya”

11. Irad

12. Tribo ni Benjamin

13. Gad

14. “Mga hari sa yuta”

15. Nisan

16. Chedorlaomer, ang hari sa Elam

17. Besti nga hinimo sa balhibo sa hayop ug bakos nga panit

18. Tigbantay sa parasan

19. Yahweh

20. “Hari sa mga hari ug Ginoo sa mga ginoo”