Awit 38
Pagpasundayag sa Pagkamaunongon
1. Si Jehova may katawhan
Nga nagdala sa ngalan,
Kongregasyong maunongon
Sa iyang kabantogan.
Sa dagaya nga talad niya
Nanagpangaon sila,
Ug may kahimuot siya sa
Pulong ug buhat nila.
2. Sa Diyos ta magmaunongon.
Sa iyang kongregasyon
Dili ta magmaluibon
Bisan lisodlisoron.
Kaayohan niya bantayan,
Di tugtang mangadaot;
Kon kini sa katalagman,
Hinabang ipaabot.
3. Maunongon tang tabangan
Atong mga igsoon
Sa pagsilbi ug pagtuon,
Sa pagkamaluluy-on.
Sama sa pamilyahanon,
Dili magmatahapon.
Apan sa pagpakig-uban
Maunongon hinuon.
4. Kalibotan maluibon,
Busa magmaunongon
Kanilang matinumanon
Ingon nga Kristohanon.
Si Satanas himakakon,
Si Jehova matud-on.
Kon kita magmaunongon,
Siya magamalipayon.