Kon Unsaon Paggamit Kini nga Pulyeto

Sa mosunod nga mga panid, imong makita ang teksto sa matag adlaw ug ang komento nianang tekstoha. Bisan tuod ang teksto ug komento mahimong basahon bisan unsang orasa, nakita sa daghan nga mas maayong konsiderahon kini sa buntag. Sa ingon, ilang mapamalandong kini sa tibuok adlaw. Labing maayo kon hisgotan ang teksto ingong pamilya. Kanay ginahimo sa pamilyang Bethel sa tibuok kalibotan sa tingpamahaw.

Ang mga komento gikuha sa mga gula sa Bantayanang Torre (w), gikan sa Abril 2016 hangtod sa Marso 2017. Ang mga numero sunod sa petsa sa gula sa Bantayanang Torre nagpakita kon ikapila nga tun-anang artikulo (1, 2, 3, 4, o 5) ang gikuhaan sa komento. Kini gisundan sa mga parapo diin makita ang mga komento. (Tan-awa ang sampol sa ubos.) Anaa sa maong artikulo ang dugang impormasyon bahin sa topiko. Aron makita kon hain nga panid magsugod ang matag artikulo, tan-awa ang una o ikaduhang panid sa maong gula sa Bantayanang Torre.