BAAL-HAZOR

[Tag-iya sa Sawang (Balangay)].

Usa ka dapit nga duol sa “Epraim” (lagmit ang siyudad sa Eprain[m] nga gihisgotan sa 2Cr 13:19; itandi ang Ju 11:54) diin gihimo ni Absalom ang pista sa pag-alot sa mga karnero ug didto iyang gimaniobra ang pagpatay sa iyang igsoong lalaki nga si Amnon. (2Sa 13:​23, 28) Gituohan nga kini mao ang 1,032-m-gihabogon (3,386 p) nga bukid sa Jebel ʽAsur (Baʽal Hazor), mga 8 km (5 mi) sa AS sa Bethel. Gikan sa Baal-hazor si Absalom mikalagiw ngadto sa gamayng gingharian sa Gesur, sa S sa Dagat sa Galilea.