MEDAD

Usa sa 70 ka ansiyano sa Israel nga gipili aron motabang kang Moises panahon sa pagpanaw sa kamingawan. Bisag si Medad ug Eldad wala moadto sa tolda nga tagboanan duyog sa uban, “lakip sila niadtong mga nahisulat.” Busa, sa dihang mikuha si Jehova ug bahin sa espiritu nga diha kang Moises, ug nagbutang niini sa matag usa sa 70 ka ansiyano, sila nakadawat usab niini ug migawi ingong mga manalagna sa kampo. (Num 11:​16, 17, 24-26) Bisag gisugyot ni Josue nga pugngan si Medad ug Eldad, si Moises miingon: “Nangabugho ka ba alang kanako? Ayaw, nanghinaot ako nga ang tanang katawhan ni Jehova mga manalagna, tungod kay si Jehova magabutang sa iyang espiritu diha kanila!”​—Num 11:27-29.