ME-JARKON

[Katubigan sa Jarkon].

Ang pipila ka eskolar nagtuo nga ang Me-jarkon sa teritoryo sa Dan (Jos 19:​40, 41, 46) mao ang Nahr el-ʽAuja (Nahal Yarqon), nga moagos ngadto sa Dagat Mediteranyo nga mga 6 km (3.5 mi) sa AAS sa Jope. Ang mga tinubdan niini, nga lakip sa kinadak-ang mga tubod sa Palestina, maoy mga 20 km (12 mi) pailaya duol sa gituohang dapit sa Apek (Num. 3).

Ang laing panglantaw mao nga ang orihinal nga Hebreohanong teksto, sama sa Gregong Septuagint, mahimong basahon nga ‘ug sa kasadpan [o, duol sa dagat] mao ang Jarkon.’ Ang Tell Qasileh (Tel Qasila), nga nahimutang sulod sa mga utlanan sa Tel Aviv-Yafo (Jope), gisugyot nga mao ang posibleng nahimutangan sa Jarkon.