Kon Nganong Angay Kang Motambong sa “Balaang Kalinaw” nga Kombensiyon
Dihang ang terorismo, rebolusyon, ug gubat mao ang nauso, pagkamaayo nga sugod niining bulana makatambong ka sa “Balaang Kalinaw” nga Kombensiyon sa mga Saksi ni Jehova! Imong madawat didto dili lamang ang praktikal Kristohanong pagtulon-an mahitungod sa paghupot sa kalinaw kondili aktuwal makakita nga ginapadapat sa linibo ang maong pagtulon-an.
Maatua didto sukad sa unang sesyon sugod sa 1:30 sa hapon sa Huwebes. Ikaw makabati usab gikan sa karaang mga magmamantala sa kalinaw. Gawas pa, imong masayran ang mga lit-ag diha sa sosyal nga kalingawan ug kon unsaon paglikay niana. Ug sa pagkatapos sa sesyon, imong madawat ang butang dili lamang nindot kondili mapuslanon sa pag-alagad sa uban.
Ang programa sa buntag sa Biyernes magaapil sa pasukaranang pakigpulong, “Balaang Kalinaw Alang Niadtong Gitudloan ni Jehova.” Ikaw matandog nga dulot sa dramang “Pagluwas sa Kinabuhi sa Panahon sa Gutom.” Ayaw kinig sipyata!
Sa Sabado, ang mga demonstrasyon, mga interbiyo, ug matulon-anong mga diskurso motaganag praktikal nga giya sa paghupot sa kalinaw sulod sa pamilya. Ang programa taposon sa hinungdanong pakigpulong “Tibuok-Kalibotang Kasegurohan Ilalom sa ‘Prinsipe sa Kalinaw’.”
Sa buntag sa Dominggo ang prangka, modulot modernong-adlawng drama ipasundayag nga magapasiugda sa panginahanglan sa pagpangita sa pagkamatarong sa Diyos aron maluwas. Sa hapon, ang gamhanang pakigpulong publiko, “Sa Kataposan Kalinaw!—Sa Dihang Mosulti ang Diyos,” maoy laing haylait sa kombensiyon.
Sanglit 27 ka kombensiyon ang naeskedyul sa Pilipinas lamang, may kombensiyon unya nga duol sa imong pinuy-anan. Susiha sa mga Saksi ni Jehova sa inyong dapit ang panahon ug dapit sa usang labing duol kanimo.