Unsay Giingon sa Bibliya?

Ang relihiyon ba hinimo ug tawo?

ANG UBAN NAG-INGON nga ang relihiyon inimbento ug tawo; ang uban nagtuo nga ang Diyos naggamit sa relihiyon sa pagtabang sa mga tawo nga masuod kaniya. Unsay imong hunahuna?

ANG GIINGON SA BIBLIYA

Dunay “pagsimba [o, relihiyon] nga hinlo ug wala mahugawi sa panglantaw sa atong Diyos ug Amahan.” (Santiago 1:27) Ang lunsay, o tinuod, nga relihiyon naggikan sa Diyos.

UNSA PAY ATONG MAKAT-ONAN SA BIBLIYA?

• Aron mapahimut-an ang Diyos, ang relihiyon kinahanglang binase sa kamatuoran sa Bibliya.​—Juan 4:23, 24.

• Ang relihiyon nga binase sa ideya sa mga tawo walay kapuslanan.​—Marcos 7:7, 8.

Kinahanglan bang magpasakop ka ug relihiyon?

UNSAY IMONG TUBAG?

• Oo

• Dili

• Depende

ANG GIINGON SA BIBLIYA

“Magmahunahunaon kita sa usag usa aron sa pagdasig ngadto sa paghigugma ug sa maayong mga buhat, nga dili talikdan ang atong mga panagkatigom.” (Hebreohanon 10:24, 25) Gusto sa Diyos nga ang iyang mga magsisimba magtigom ingong organisadong grupo.

UNSA PAY ATONG MAKAT-ONAN SA BIBLIYA?

• Kadtong magsimba sa Diyos kinahanglang magkahiusa sa pagtuo.​—1 Corinto 1:10, 11.

• Ang mga sakop sa relihiyon nga inuyonan sa Diyos maoy bahin sa tibuok kalibotang panag-igsoonay.​—1 Pedro 2:17.