Mga Tigom nga Motabang Nato sa Paghimog Tinun-an
SEMANA SA OKTUBRE 10-16
10 min: Lokal nga mga pahibalo ug Mga Pahibalo sa Atong Ministeryo sa Gingharian. Dasiga ang tanan nga makig-ambit sa buluhaton sa magasin sa sunod nga Sabado. Magsugyot ug mga punto nga mahisgotan kon itugot sa panahon.
17 min: “Pagtanyag sa Maayong Balita—Sa Grupo nga Pagsangyaw.” Pangutanag-tubag nga panaghisgot sa artikulo. Ipasiugda ang kaayohan sa grupo nga mga kahikayan sa pagsangyaw ug ang panginahanglan sa labing maayong paggamit sa panahon pinaagi sa maayong pagkaplano nga kahikayan sa pag-alagad sa kanataran.
18 min: Mga Batan-on—Kamo ba Makadumala ug Pagtuon? Dumalahon sa usa ka ansiyano. Pahibaloa ang kongregasyon kon pila ka mga magmamantala ang ubos sa 20 ang edad sa kongregasyon ug kon pila kanila ang nagadumala ug mga pagtuon. Ang mga teenager mahimong makasugod ug pagtuon sa ilang mga kauban sa klase, sa paggamit sa Creation o Pagkabatan-on nga libro. Mahimong mag-asayn ug usa ka maayong sumbanan nga batan-on para mosugid ug mga kasinatian. (Tan-awa ang yb88 p. 53, par. 1-3; w84 4/1 p. 30, par. 4.) Ang mga mas batan-on makasugod ug mga pagtuon sa ubang mga bata sa librong Mga Estorya sa Bibliya o Magtutudlo. Ang mga batan-on makasulay sa pagsugod ug pagtuon uban sa mga tawo nga ilang makaplagan sa pagsangyaw. (Tan-awa ang w82 1/1 p. 24, par. 7.) Kon adunay lokal nga mga kasinatian, gamita kini sa pag-ilustrar sa mga punto.
Awit 221 ug paniklop nga pag-ampo.
SEMANA SA OKTUBRE 17-23
5 min: Lokal nga mga pahibalo. Taho sa kuwenta.
17 min: “Pagsugod ug mga Pagtuon sa Bibliya—Karon Na ang Higayon.” Panaghisgot sa artikulo uban sa mamiminaw. Sa parapo 3, usa ka takos nga magmamantala ang mohatag ug mubong pasundayag sa ikaduhang introduksiyon ubos sa “Pagtuon sa Bibliya sa Balay” sa panid 12 sa librong Nangatarongan. Human mahisgotan ang parapo 5, sugdi ang laing pasundayag uban sa tagbalay nga matinahurong nagadumili sa tanyag nga basahon. Dayon ang magmamantala mosukna kon ang tagbalay nagahunahuna ba nga ang yuta pagalaglagon pinaagi sa nukleyar nga gubat ug tugotan siyang motubag. Dayon ang magmamantala mosugyot sa tagbalay nga ilista ang pipila ka mga teksto ug basahon kini sa ulahi. Itanyag nga mobalik ka aron pagahisgotan kini sa sunod semana.
13 min: Komosta ang Atong Ginahimo sa Buluhatong Pagtuon sa Bibliya? Panaghisgot sa buluhaton sa kongregasyon pinaagi sa magtatan-aw sa pag-alagad. Ihatag ang gidaghanon sa mga pagtuon sa Bibliya nga gikataho. Imenos ang gidaghanon sa mga pagtuon sa pamilya aron ipakita ang gidaghanon sa mga pagtuon nga ginadumala sa teritoryo. Itandi ang mga napahimutang nga basahon sa gidaghanon sa mga balikduaw nga gikataho. Usa ba kini ka dapit diin ang pagtuon sa Bibliya masugdan? Maghatag ug komendasyon. Mahimong iapil ang mga kasinatian sa pagsugod ug sa pagdumala ug pagtuon sa Bibliya.
10 min: Pagdumala ug Pagtuon sa Pamilya. Pagadumalahon sa usa ka gitamod nga ulo sa banay. Ipahinumdom sa mga ginikanan ang hatag-Diyos nga responsibilidad. (Efe. 6:4) Makatabang nga mga sugyot gihatag sa Bantayanang Torre, Agosto 1, 1986, panid 28, ug Nobyembre 1, 1986, panid 24. Ipatin-aw kon sa unsang paagi ikataho ang pagtuon sa pamilya uban sa di-bawtismadong mga anak. (km 8/83, “Mga Pangutana,” par. 2) Mag-interbiyu ug usa ka ginikanan nga nakakaplag ug maayong resulta sa makanunayong pagtuon uban sa mga anak.
Awit 168 ug paniklop nga pag-ampo.
SEMANA SA OKTUBRE 24-30
10 min: Lokal nga mga pahibalo ug Teokratikanhong mga Balita. Dasiga ang tanan sa pagsuportar sa unang Dominggo nga pagsangyaw sa Nobyembre 6.
15 min: “Itaho nga Tukma ang Pag-alagad sa Kanataran.” Ang sekretaryo sa kongregasyon ang magadumala sa panaghisgot uban sa mamiminaw.
20 min: “1988 ‘Balaang Hustisya’ Distritong Konbensiyon.” Pangutanag-tubag nga pagkobre sa mga parapo 1-17 sa insert.
Awit 166 ug paniklop nga pag-ampo.
SEMANA SA OKT. 31–NOB. 6
10 min: Lokal nga mga pahibalo. Hisgoti ang bag-ong tanyag sa Nobyembre: New World Translation uban sa librong Tinuod nga Kalinaw ug Kasegurohan. Ipasundayag ang paggamit sa Ulohang Mahisgotan uban sa Bibliya ug libro nga tanyag.
12 min: “Tumana sa Bug-os ang Inyong Ministeryo.” Pakigpulong nga may panaghisgot sa mamininaw.
23 min: “1988 ‘Balaang Hustisya’ Distritong Konbensiyon.” Pangutanag-tubag nga pagkobre sa mga parapo 18-30 sa insert sa nagadumalang magtatan-aw. Tabangan ang mga igsoon nga maapresyar nga ang maayong batasan ug panapot ginalaoman sa tanan sa kongregasyon. Kon itugot sa panahon, hisgoti ang mga “Pahinumdom sa Distiritong Konbensiyon.”
Awit 196 ug paniklop nga pag-ampo.