1988 “Balaang Hustisya” Distritong Konbensiyon

¹ Si Jehova nga Diyos nahigugma sa hustisya ug pagkamatarong. (Sal. 33:5) Ang iyang alagad nga si Elihu mipahayag: “Kon bahin sa Labing Gamhanan, wala pa namo siya matugkad; siya dako uyamot sa kagahom ug hustisya ug sa madagayaong pagkamatarong siya dili magapaguol.”​—Job 37:23.

² Sa pagkamatuod, wala sayloi ni Jehova nga Diyos ang mga inhustisya nga nahimo dinhi sa kalibotan. Sanglit kay siya usa ka Diyos nga dili mausab ang moral nga mga sukdanan, makasalig kita nga dili gayod niya tugotan hangtod sa hangtod ang pakamalinapason karon. (Itandi ang Isaias 14:3-8.) Gani, ang tagna sa Biblia nagapunting sa atong panahon ingon nga kataposang mga adlaw niining dili diyosnong kalibotan. Busa gikinahanglan nga ipakita nato pinaagi sa atong mga buhat nga nahigugma kita sa pagkamatarong ug balaang hustisya ug nga gipahilayo nato ang atong kaugalingon gikan sa gihukmang mga buhat niining kalibotana.

³ Ang mga Saksi ni Jehova mahinamong nagapaabot sa “Balaang Hustisya” Distritong mga Konbensiyon nga naiskedyul alang sa 1988. Sa mga distritong konbensiyon kita natudloan ni Jehova. Mitambong kita uban sa panghunahuna nga gipadayag sa dinasig nga pag-ampo sa Salmo 119:33 nga nagaingon: “Tudloi ako, O Jehova, sa dalan sa imong mga kasugoan, aron akong tumanon kining tanan.” Sa pagkamatuod, kining maong mga pulong gapahayag sa mga pagbati sa tanang mga nagpahinungod nga mga alagad ni Jehova karon.

⁴ TAMBONG SA TANANG SESYON: Ang “Balaang Hustisya” mga Distritong Konbensiyon mohangtod ug upat ka adlaw. Nakahimo ka na ba ug mga plano sa pagtambong sa tanang mga sesyon? Gikan sa pangbukas nga sesyon sa Huwebes sa 1:30 sa hapon hangtod sa panapos nga pag-ampo sa mga alas 4:00 sa hapon sa Domingo, ang importanteng mga impormasyon nga kinahanglanon sa atong espirituwal nga kahimsog itanyag. Ang usa ka linain nga bahin sa balaang hustisya ipasiugda sa matag adlaw. Ang programa magalakip sa mga pakigpulong, mga demonstrasyon, ug mga drama. Nahimo na usab ang kahikayan alang sa mga misyonero nga mobisita sa ilang nasod ug motambong ug usa ka distritong konbensiyon uban sa ilang pamilya ug mga higala, ug usa ka espesyal nga bahin sa programa maglangkit sa mga kalihokan sa mga misyonero. Sa daghang mga konbensiyon, ang mga misyonero dapiton nga mohatag sa ilang mga eksperyensia alang kanato. Busa, ayaw pagsipyata ang bisan usa ka sesyon.

⁵ Gipabilhan nga tingali magkinahanglan kini sa imong paghimog personal nga mga pagsakripisyo ug mga kausaban sa imong iskedyul. Tingali hikayon nimo ang mga kahikayan uban sa imong amo aron makatambong ka sa konbensiyon. Kon himoon mo kini nga bahin sa imong sinsero nga pag-ampo ug kinasingkasing nga maningkamot nga makatambong, si Jehova sa walay duhaduha magpanalangin kanimo.​—Mat. 5:3.

⁶ Maningkamot nga temprano ka moabot matag adlaw ug anaa na sa imong lingkoranan sa dili pa magsugod ang sesyon. Kini magtugot kanimo sa higayon nga makigtimbaya sa mga igsoon gikan sa ubang mga dapit. (Roma 1:12) Magtugot usab kini kanimo nga makigduyog sa pagdayeg kang Jehova uban sa awit, nga importante kaayo nga bahin sa atong pagsimba, ug sa pagpakig-ambit sa pangbukas nga pag-ampo. Hunahunaa usab nga kadtong naglingkod duol kanimo moapresyar gayod nga wala ka makasamok sa ilang atensiyon sa programa kon dili ka ulahi nga moabot. Ang Kristohanong gugma ug konsiderasyon, uban pa sa pagtahod kang Jehova ug sa espirituwal nga mga butang nga iya nga gitagana, angay nga mopalihok kanato nga maningkamot nga moabot sa hustong oras.

⁷ Nahatagan na kamo ug impormasyon sa konbensiyon nga tambongan sa inyong kongregasyon. Ang igong pagpangandam ang nahimo aron may igong kalingkoran, literatura, pagkaon, ug ubang mga tagana alang sa tanan. Masabtan hinuon nga may mga sirkumstansiya nga magpugong sa pipila sa pagtambong diin sila gitudlo. Ang uban tingali kinahanglan motabang sa mga partidos sa ubang dapit. Hinuon, kon diin mahimo, ang imong kooperasyon sa pagtambong sa konbensiyon nga diin gitudlo ang inyong kongregasyon ug malikayan ang paghuot sa usa ka dapit.

⁸ PAMATI SA IMONG MAPATALINGHOGAN: “Ang mga pulong ni Jehova maoy putli nga mga pulong, sama sa salapi nga inulay sa tunawanan sa yuta, giulay sa makapito ka pilo.” (Sal. 12:6) Daghang “putli nga mga Pulong” sa Diyos ang mapatalinghogan sa “Balaang Hustisya” Distritong Konbensiyon. Ang impormasyon maoy espesyal nga impormasyon alang sa katawhan ni Jehova, niadtong nagpahinungod kaniya, kinsa buot nga mopahimuot kaniya, kinsa ‘nahadlok sa iyang pulong.’ (Isa. 66:5) Sa tanang mga tawo sa yuta, labi kita nga bulahan nga natudloan pinaagi ni Jehova.​—Isa. 54:13.

⁹ Ang pagpatalinghog nagkahulogan gayod nga mamalandong uban sa atong hunahuna ug kasingkasing, uban sa atong mga igdulongog ug gahom sa pagsabot. Gikinahanglan nato nga mamati ug magpatalinghog “sa pulong ni Jehova.” (Jer. 2:4) Ang atong mapatalinghogan maglakip sa tukma nga kahibalo nga magpalapad sa atong pagsabot ug magpalalom sa atong pagpabili. Makabati kita ug impormasyon nga mag-ugmad sa atong pagtuo ug maglig-on sa atong paglaom. Modawat kita ug tambag ug disiplina nga mahigugmaong gitagana sa atong kaayohan. Dako ang panahon ang gigugol sa pagsusi ug pag-andam sa programa. Busa, kinahanglan nga magpatalinghog kita ug magmata sa kon unsay giingon kanato sa Pulong ni Jehova. Personal kita nga makadawat ug kaayohan ug makagamit ning maong impormasyon aron sa pagtabang sa uban.​—Prov. 18:15.

¹⁰ Sanglit kay ang atong panguna nga katuyoan sa pagtambong sa konbensiyon maoy aron sa pagdawat sa espirituwal nga paggiya ug pagpadasig, planoha nga temprano ka nga moabot aron maatiman ang mga butang nga kinahanglan ug pagtagad, sama sa pagbaton ug mga tiket alang sa pagkaon, ug dayon makalingkod na sa dili pa magsugod ang programa. Kon himoon nimo kana, maluwas ang imong hunahuna sa mga kabalaka sa mga butang nga wala gayoy relasyon sa programa.

¹¹ Tinoa nga maayo ang imong katulog matag gabii aron nga presko ka sa pagkabuntag ug makapalandong sa programa sa maadlaw. Matuod man nga ang konbensiyon maoy maayong higayon sa paglig-on sa pakighigala ug sa pagtagbaw sa maayong pakig-uban, apan kon magpagabii kaayo sa pagbisita sa mga higala, tingali ug magduka kita sa programa sa sunod adlaw.

¹² BAWTISMO: Ang pakigpulong sa kandidato sa bawtismo maoy sa Sabado sa buntag. Ang bawtismo maoy panggawas sa ilhanan nga ang usa nakapahinungod na sa iyang kaugalingon nga walay pag-ukonukon ngadto kang Jehova. Kining bahina sa programa kanunay usa sa mga panguna nga bahin sa distritong konbensiyon. Kitang tanan makabenepisyo pinaagi sa pagpatalinghog nga maidlot ug magapasibaw sa atong relasyon kang Jehova. Dugang pa, makapakig-ambit kita sa kalipay niadtong nabawtismohan.

1³ Kadtong nagaplano nga mabawtismohan sa usa sa mga distritong konbensiyon magtino nga pahibaloon ang nagapanguna nga magtatan-aw sa abanse aron may igong panahon sa pagrepaso sa mga pangutana sa libro nga Organisado. Ang usa ka kasagaran nga bathing suit ug tualya ang dalhon sa matag nagplano nga magpabawtismo.​—Tan-awa ang Atong Ministeryo sa Gingharian, Oktubre 1987, panid 3, parapo 6.

¹⁴ Ang mga kandidato sa bawtismo molingkod sa linain dapit sa dili pa magsugod ang programa sa Sabado sa buntag. Human sa pakigpulong sa bawtismo ug pag-ampo sa mamumulong, ang tsirman sa sesyon mohatag ug mubong instruksiyon sa mga kandidato sa bawtismo ug dayon magpaawit. Ang tanan motindog sa pag-awit sa maong alawiton.

¹⁵ MAGNOTA: Gawas pa sa imong Biblia ug alawiton, hinumdumi nga magdala ug notepad ug ballpen o lapis. Dili man nato batasan ang magnota sa sinemanang miting sa kongregasyon tungod kay kasagaran sa mga pakigpulong ug mga demonstrasyon kinutlo man sa materyal nga mabatonan sa tanan diha sa kongregasyon. Hinuon, ang pagpatalinghog sa impormasyon nga gitanyag sa distritong konbensiyon maoy lahi nga butang. Bisan tuod nga ang pila sa mga pakigpulong mogula man sa mga publikasyon, ang uban dili. Bisan pa kon ang tanang mga pakigpulong maimprinta, may kaayohan nga makutlo sa pagkuha ug makahuloganon nga mga nota.

¹⁶ Usa pa ka butang, ang pagbaton ug mga nota motabang sa atong pagpatalinghog. Ipinig ang panguna nga punto sa mamumulong ug panguna nga mga teksto o bag-ong mga punto nga ipahayag. Isulat kini. Kasagaran ang usa kon duha ka saysay igo na nga panguna nga punto. Pinaagi sa pagsunod niining maong sugyot, ang imong pagpalandong mouswag. Malagmit nga dili mahasimang ang imong hunahuna o malinga. Masangkap usab ikaw alang sa repaso sa panguna nga bahin sa konbensiyon uban sa inyong kongregasyon sa pagkasunod simana.

¹⁷ May uban ka bang mga bata o mga tinedyer? Nan nganong dili man nimo hikayon nga magnota sab sila sumala sa ilang pangedaron ug katakos? Pahibaloa ang imong pamilya nga nagplano ka nga repasohon ang panguna nga mga punto nga gipadayag sa mga mamumulong samtang magabiyahe sa pagpamauli o kaha sa inyong alabtanan. Ang mas linghod nga mga bata dasigon nga ilang isulat ang tanan mga gisitar nga teksto o isulat kon kapila gisubli sa speaker ang panguna nga mga pulong o tema sa pakigpulong. Maayo alang sa mga bata nga magpatalinghog gayod sa Kristohanong mga miting. Makatabang ka kanila nga magtukod ug usa ka lig-ong pundasyon alang sa kaugmaon.​—Deut. 31:12; Efe. 6:4.

¹⁸ MAAYONG PAMATASAN: Matag tuig sa matagtapos sa atong distritong konbensiyon, makadawat kita ug maayong mga komento bahin sa kahapsay ug maayong pamatasan nga napadayag. Ang mga naniid kasagaran makakomento sa hapsay nga panagway sa mga hamtong ug kabataan, wala pay labot sa pakigdait ug kahiusa sa mga igsoon. Apan ngano mang among gihisgotan kini? Tungod kay makadasig nga mahibaloan nga kon magpakita ug maayong pananglitan, kini mapanid-an ug pabilhan sa uban. (1 Ped. 2:12) Labaw pa ka importante, nga kini maghatod ug pagdayeg sa Diyos. Buot nato nga madayeg si Jehova sa pulong ug buhat, ug sanglit ang mga tawo mohukom man sa organisasyon ug sa Diyos nga atong gisimba pinaagi sa atong pamatasan, kanunay gayod kita nga mag-amping sa atong lihok.

¹⁹ May daghan dapit nga kinahanglan atong hatagan ug pagtagad aron bug-os ‘mosidlak kita ingon nga kahayag’, ilabi na kon kita halayo sa konbensiyonan, sama sa mga restauran ug sa mga alabtanan.​—Fil. 2:15.

²⁰ Una, komosta man ang atong pagreserba ug lingkoranan alang sa uban? May pag-uswag na nga nakita niini, ug kamo kakomendahan niini. Hinuon, kinahanglan pa nga tagdon ta kining bahina, sanglit ang uban nagaabuso pa niining maong kahikayan. Palihog ibutang sa hunahuna nga ANG MGA LINGKORANAN IANDAM LANG ALANG SA IMONG PAMILYA UG NIADTONG KINSA NAGABIYAHE UBAN NIMO. Natural na lamang nga buot nato nga molingkod duol niadtong kuyog nato, ug gilaoman nga ang usa ka pamilya, usa ka dapit ra ang lingkoran. Palihog ayaw pagreserba ug lingkoranan alang sa uban. Kasagaran ang imong higala makakaplag ug ilang kaugalingon nga lingkoranan, ug kadtong imong gireserba dili magamit. Atong mapakita ang atong pagpabili sa konbensiyon ug konsiderasyon sa uban pinaagi sa pagsunod niining maong mga instruksiyon.​—Mat. 7:12.

²¹ Ingon nga nagpahinungod nga mga alagad, ang atong pamatasan kinahanglan nga MAAYO KANUNAY. Ang sulundang pamatasan maoy labing mamatikdan sa mga dagkong mga panagkatigom, ug ang ngalan ni Jehova madayeg sa maong pamatasan. Hinuon, ang dili maayong pamatasan ug ang pagkawalay paghunahuna maghatod sa pagtamay sa ngalan ni Jehova ug sa iyang katawhan. Ang espiritu sa kalibotan mapadayag sa pipila sa mahiuli sa ilang mga alabtanan. Sa konbensiyon, tin-aw natong makita ang Kristohanong personalidad, apan ang uban, sa mobiya na sa giasembliyahan, mahikalimot sa ilang nakita ug napatalinghogan sa programa. (Sant. 1:22-24) Ang atong presensiya sa konbensiyon ug sa bisan diin man, maingon man sa atong pamatasan ug pamustura, magpamatuod bahin kanato ug sa Diyos nga atong gisimba.

²² Sa mismong konbensiyon, atong ipunting ang atong hunahuna sa espirituwal nga mga butang, dili sa negosyo ug sa mga pamaagi nga makakuwarta. Buot namo nga pahinumdoman ang tanan nga walay pagpamaligya ug personal nga mga butang sulod sa konbensiyonan, ug ang mga butang lamang sa Sosyedad ang tugotan sa bookroom ug ubang departamento sa konbensiyon.

²³ Ibutang sa hunahuna nga ang refreshment departments sirhan sa panahon nga may sesyon, busa kuhaon ang inyong mga kinahanglan sa panahon nga walay sesyon aron walay balda sa programa.

²⁴ Namatikdan sa pila ka mga konbensiyon nga, human mobiya ang nanambong, daghang mga papel, mga putos sa candy, mga botelya biyaan sa mga lingkoranan. Magbiya ba kita niana sa atong mga Kingdom Hall? Nan dili ba diay kita magmahinlo ug mahapsay, nga puniton ang atong mga basora ug ilabay kana sa mga basurahan o kaha dalhon sa balay ug didto ilabay? Ang mga ginikanan gidasig nga bansayon ang ilang mga anak nga dili magsagbotsagbot sa stadyum o sa assembly hall.

²⁵ Ang kataposang pahinumdom may kalabotan sa pagsultisulti panahon sa mga sesyon. Tataw, malipay kita nga makita ang mga higala sa konbensiyon, apan ang pagtahod kang Jehova ug konsiderasyon sa atong mga igsoon maoy panguna sa atong mga hunahuna. Busa, dili nato buot nga makadisturbo sa uban panahon sa programa. Kon mobiya ka sa imong lingkoranan alang sa usa ka importante nga katarongan, dalia kana ug sa mahilom nga paagi. Ug usab, samtang nagapadayon pa ang programa, dili mag-uloistorya sa mga koridor. Atua kita aron mamati ug makakat-on.​—Lucas 8:18.

²⁶ PAGKAON: Ang tagana alang sa pagkaon ug ilimnon maoy susama sa distrito nga konbensiyon sa milabay nga mga tuig. Ang tiket sa pagkaon maoy tag ₱10.00, nga gibahinbahin sa tag 25 sentimos ang kada usa.

²⁷ BOLUNTARYO: Samtang mas diyotay na lamang ang boluntaryo ang gikinahanglan tungod sa pagpayano sa paagi, apan sa gihapon ang tabang sa boluntaryo gikinahanglan gihapon alang sa hapsay nga pagpalakaw sa usa ka distritong konbensiyon. Makaboluntaryo ba ikaw? Ang inyong congregation convention coordinator makadawat ug impormasyon nga magalista sa mga departamento nga nagkinahanglan ug tabang, ug iya kining ipahibalo sa kongregasyon. Makaboluntaryo ka pinaagi kaniya. Ang kabataan nga ubos sa 16 años ang edad ug moboluntaryo, motrabaho lamang uban sa iyang ginikanan o partidos.

²⁸ Kinahanglan unya ang dinaliang mga boluntaryo. Susiha ang Volunteer Service Department sa diha nga mahiabot ka sa konbensiyon. Bisan ug bahin lang sa panahon ang imong ikabuluntaryo sa konbensiyon, pabilhan ang imong serbisyo.

²⁹ MGA PAGREKORD: Haom na lang nga ipatin-aw sa Sosyedad ang bahin sa video ug audio nga mga heman. Samtang wala man gayod idili ang paggamit sa maong mga heman, gikinahanglan ang pagkontrolar ug limitasyon. Ang mga atendant magmamaigmat nga kadtong nagagamit ug mga video camera ug mga audio recorder dili makadisturbo sa uban o makabalda sa pagpatalinghog sa programa. Ang mga igsoon nga nagagamit niining maong mga heman mokooperar sa mga attendant ug mga ansiyano nga nagaatiman niana ug dili kay tumanon lang ang ilang gusto. Ang sama nianang heman dili ipahiluna sa mga alagianan o sa mga gawasanan. Walay tugotan nga sama nianang mga heman nga ikabit sa public address o sa mga electrical outlets, ug dili tugotan ang camera floodlights. Sa pila ka bahin ikatugot ang maong mga heman diin dili makadisturbo sa mamiminaw, sama sa likod sa hall.

³⁰ KONGKLUSYON: Adunay maayong mga katarongan ngano nga motambong kita sa “Balaang Hustisya” nga Distritong Konbensiyon diin kita makasimba kang Jehova uban sa kalibotan sa atong mga igsoon. Ang manalagna nga Isaias mipahayag nga ang mga alagad ni Jehova “dili pagagutomon, ni dili sila pagauhawon, ni dili sila maigo sa nagalagiting nga kainit o sa init sa adlaw. Kay ang Usa nga may kaluoy kanila magatultol kanila.” (Isa. 49:10) Sa pagkamatuod, ang katawhan ni Jehova wala magutmi sa espirituwal o giuhaw sa kamatuoran. Mao nga kita nalipay sa higayon nga magkatigom niining tuiga alang sa “Balaang Hustisya” Distritong Konbensiyon.

[Kahon sa panid 6]

Mga Pahinumdom sa Distritong Konbensiyon

ALABATAN: Magpadala kami ug suplay sa Room Request nga porma sa matag kongregasyon. Kadtong nagkinahanglan ug alabtan mopil-ap ug usa niining maong porma ug ihatag sa inyong convention coordinator sa inyong kongregasyon. Iyang susihon kini permahan, ug dayon ipadala sa Watchtower Convention sa usa sa mga direksiyon sa ubos.

Disyembre 22-25, 1988

Ilagan, Isabela: c/o Isidro Balmaceda, Baculod, Ilagan, 3300 Isabela.

Laoag City: c/o Jovencio Gamiao, 20 V. Lagasca Street, 2900 Laoag City.

Quezon City (1): P.O. Box 2044, 1099 Manila.

Marikina, MM: Kingdom Hall, 273 Molave Street, Concepcion, 1800 Marikina, Metro Manila.

Lucena City: c/o Emilio Pascua, Employees Subdivision, Gate 1, 4301 Lucena City.

Puerto Princesa City: Kingdom Hall, Malvar Street, 5300 Puerto Princesa City.

Masbate, Masbate: c/o Yolando Alburo, 56-K Tara Street, Masbate, 5400 Masbate.

Iloilo City: 65 Escarilla Subdivision, Mandurriao, 5000 Iloilo City.

Cebu City: c/o Parcon’s Machine Shop, Bagumbayan Street, 6000 Cebu City.

Tacloban City: 185 M. H. del Pilar Street, 6500 Tacloban City.

Davao City: Kingdom Hall, Corner Lopez Jaena and F. Torres Streets, 8000 Davao City.

Buenavista, Agusan del Norte: c/o Samuel Tabinas, Montillano Street, Buenavista, 8601 Agusan del Norte.

Dipolog City: c/o Leoncio Martin, 097-E Magsaysay Street, 7100 Dipolog City.

Tantangan, South Cotabato: c/o Oscar Presas, Mangilala, Tantangan, 9510 South Cotabato.

Disyembre 29–Enero 1, 1989

Tuguegarao, Cagayan: c/o Nolia’s Beauty Parlor, 77 Gonzaga Street, Tuguegarao, 3500 Cagayan.

Agoo, La Union: c/o Edgar Rivera, Bubblebee Burgerland, Agoo, 2504 La Union.

Mangaldan, Pangasinan: c/o Benjamin Caberto, Sr., 97 Salay, Mangaldan, 2432 Pangasinan.

Tarlac, Tarlac: c/o Gregorio Ibarra, Aguso, Tarlac, 2300 Tarlac.

Quezon City (2): P.O. Box 2044, 1099 Manila.

Mabalacat, Pampanga: c/o Generoso D. Canlas, 142 MacArthur Highway, Dau, Mabalacat, 2010 Pampanga.

Iriga City: c/o Leonardo de Villa, 38 Waling-waling Street, San Miguel, 4431 Iriga City.

Tagbilaran City: c/o Felix Acma, 44 R. Palma Street, 6300 Tagbilaran City.

Bacolod City: c/o Serafin Sabordo, 68 Mabini Street, 6100 Bacolod City.

Zamboanga City: 541 San Jose Road, Baliwasan, 7000 Zamboanga City.

Tagum, Davao del Norte: Kingdom Hall, 1036 Rizal Street, Tagum, 8100 Davao del Norte.

General Santos City: Kingdom Hall, 8 Siniguelas Street, 9500 General Santos City.

Cagayan de Oro City: c/o Nicolas Reymundo, Jr., 52 Vamenta Blvd., Carmen, 9000 Cagayan de Oro City.

Enero 5-8, 1989

Urdaneta, Pangasinan: c/o Manantan Technical School, Urdaneta, 2428 Pangasinan.

MGA ORAS SA PROGRAMA: Maalamong tikang ug pagpakita ug matinahurong pagpabili kon anaa na kita sa atong mga lingkoranan sa magsugod ang programa. Sa tanang mga siyudad sa konbensiyon, ang programa magsugod sa musika, dayon awit ug pag-ampo sa Huwebes sa 1:30 p.m. ug matapos ang sesyon sa 5:10 p.m. Ang programa sa Biyernes magsugod sa 8:20 a.m. ug matapos sa 4:40 p.m. Sa Sabado ang programa magsugod sa 8:20 a.m. ug matapos sa 4:50 p.m. Sa Domingo ang programa magsugod sa 8:30 a.m. ug matapos sa mga 4:00 p.m. Ang pakigpulong publiko sa Domingo magsugod ug awit ug pag-ampo sa 2:00 p.m.

ESPESYAL NGA MGA MITING: May miting uban sa tanang regular, espesyal payunir ug nagapanuaw nga mga magtatan-aw sa 11:15 a.m. sa Biyernes, samtang ang usa ka miting uban sa tanang mga elder himoon sa 11:15 a.m. sa Sabado. Ang mga dapit alang ning maong mga miting ipahibalo ra sa plataporma.

‘PIONEER IDENTIFICATION’: Ang tanang regular ug espesyal payunir, ingon man sa nagabiyahe nga mga magtatan-aw, nagkinahanglan nga magdala sa ilang Identification and Assignment card (S-202) sa konbensiyon. Kadtong anaa sa listahan sukad sa Hulyo 1, 1988 o una pa niana makadawat ug ₱60.00 nga bili sa konbensiyon tiket sa diha nga ipakita nila ang ilang ID card sa usa lang ka konbensiyon. Ampingi ang card nga sama sa cash. Dili kini kabayloan sa konbensiyon. Ang bisan unsang ihatag nga mga relis o ubang mga literatura sa bili sa payunir ihatag sa mga payunir sa bookroom sa diha nga ikapakia ang ilang ID card.

LAPEL CARDS: Kining maong mga kard gitagana agig pagsibya bahin sa konbensiyon ug sa pagpaila sa atong mga igsoon nga nanambong. Tungod niini, itaod palihog ang lapel card sa konbensiyon ug samtang nagabiyahi padulong ug pauli gikan sa konbensiyon. Batonan ninyo kini sa inyong kongregasyon kay dili man kini makuha sa konbensiyon site. Ang mga lapel cards tag 15¢ ang usa ug ang plastik nga holder tag ₱1.00 ang matag usa. (Nota alang sa sekretaryo: Ang lapel cards angayan nga orderon sa Special Order Blank forms. Kon wala pa kini buhata, ipadala ang order sa regular nga S-14 karon.)

PASIDAAN: Bisan ug asa ka man motambong, bantayi ang imong mga gamit sa tanang panahon. Kon dunay imong sakyanan, seguroa nga kini sirado ug ayaw ug bilin ug mga bililhon sulod sa naparking nga awto. Ug usab pagbantay sa mga kawatan ug mangunguot nga kasagaran anaa sa dagkong mga tigom. Ayaw pagbilin ug bisan unsa nga bililhon nga walay magbantay sa inyong mga lingkoranan sa konbensiyon. Dugang pa, gikataho nga mas daghang disgrasya sa pagkahulog sa mga hagdanan sa mga sister nga nagsul-ob ug sapatos nga high heel. Palihog mag-amping.