Mga Tigom nga Motabang Nato sa Paghimog Tinun-an
SEMANA SA ABRIL 10-16
10 min: Lokal nga mga pahibalo ug Mga Pahibalo gikan sa Atong Ministeryo sa Gingharian. Palig-onang batid nga mga magmamantala ug mga payunir nga tabangan kadtong wala pa makaambit sa pagsangyaw niining bulana.
15 min: “Ipasundayag ang Gugma sa Diyos ug sa Silingan.” Pangutanag tubag nga pagtagad sa artikulo.
20 min: “Pagtanyag sa Maayong Balita—Nagapasiugda sa Ang Bantayanang Torre.” Pakigpulong uban ang pakig-ambit sa tigpaminaw. Maylabot sa parapo 3, ang usa ka magmamantala mopasundayag sa 30- ngadto sa 60-segundos nga presentasyon sa magasin. Ipasiugda nga mga magasin ra ang itanyag. Alang sa parapo 4, ipasundayag sa magmamantala ang paggamit sa Abril 15 nga Bantayanang Torre diha sa buluhaton sa kadalanan. Sa paghisgot sa mga parapo 5 ug 6, ipasiugda nga ang tanyag sa magasin dili mosobra sa 60 segundos; sa dihang magtanyag sa suskrisyon, gamiton gayod ang Ulohan nga Mahisgotan.
Awit 3 ug paniklop nga pag-ampo.
SEMANA SA ABRIL 17-23
10 min: Lokal nga mga pahibalo. Ilakip ang taho sa kuwenta, nga mainitong nagapatugbaw ug apresasyon sa mga amot nga gipasalamatan sa Sosyedad. Ipatagad ang artikulo, “Atong Ilhanan Ingong mga Saksi ni Jehova.” Himoa ang ultimang pahinumdom ngadto kanilang wala pa makaambit sa pagsangyaw niining bulana.
15 min: “Paggahin ug Panahon Alang sa Teokratikanhong mga Tagana.” Pakigpulong nga may pakig-ambit ang tigpaminaw. Pakomentoha ang mga mamiminaw kon sa unsang paagi ang bag-ohang mga interesado mapalig-on sa bug-os nga pag-andam alang sa ilang senemanang pagtuon sa Bibliya. Ilakip ang mga komento sa gisitar nga mga teksto.
20 min: “Tagda Gayod ang Personal nga Kahikayan.” Pangutana-ug-tubag nga pagkobre sa mga parapo 1-9 sa suplemento. Ipadapat sa lokal, tingali nagainterbiyu sa mga magmamantala o mga payunir kinsa nagpayano sa ilang kinabuhi aron unahon ang Gingharian pinaagig pagbaton ug maayo personal nga kahikayan.
Awit 214 ug paniklop nga pag-ampo.
SEMANA SA ABRIL 24-30
8 min: Lokal nga mga pahibalo. Idasig ang padayong mga pagbalikduaw niadtong mitambong sa Memoryal sa miaging bulan, mga bag-ohan man o silang panagsang nagatambong sa mga tigom. Agdaha ang tanang moreport gilayon sa binuhatan sa Abril sa pagkatapos sa bulan, usab palig-ona silang nag-oksilyare payunir sa pagtagad nga ipadayon kana sa bulan sa Mayo. Pahinumdomi ang tanan sa pagsangyaw sa Domingo sa Mayo 7.
17 min: “Gipangita Mo ba ang Diyosnong Kaalam?” Ansiyano sa mubo mosubli sa artikulo ug unya dapiton ang usa ka grupo sa mga magmamantala sa pagduyog kaniya sa paghisgot kon sa unsang paagi ang personal nga pagbasa sa librong Pinadayag nakapalig-on sa ilang pagtuo. Ipasiugda ang bag-ong pagsabot sa “dakong panon” ingong nalakip diha sa simbolo sa ‘mga tagnapulo ka libo sa mga kabayo’ nga gihubit diha sa Pinadayag 9:16-19. Agdaha ang tanan sa bug-os nga pagbenepisyo gikan sa pagtuon niining basahona diha sa mga pagtuon sa libro sa kongregasyon.
20 min: “Tagda Gayod ang Personal nga Kahikayan.” Pangutana-ug-tubag nga pagkobre sa mga parapo 10-16 sa suplemento. Ipakita kon sa unsang paagi ang maayong kahikayan moresulta sa mas dakong kalamposan ug sa mas maalamong paggamit sa panahon. Interbiyuha ang usa ka ansiyano, bisan pa sa daghang kaakohan, nakaarang sa pag-una sa “mas importanteng mga butang.”
Awit 174 ug paniklop nga pag-ampo.
SEMANA SA MAYO 1-7
10 min: Lokal nga mga pahibalo ug Teokratikanhong mga Balita. Ipasundayag sa payunir ang paggamit sa Ulohan nga Mahisgotan, nga nagapahiangay niana ngadto sa tanyag sa suskrisyon. Palig-onang tanang mosuportar sa buluhatong magasin sa Mayo 14.
20 min: “Ikaw ba Nagahimog mga Balikduaw?” Pangutanag tubag. Sa dihang tagdon ang parapo 4, ilakip ang pasundayag kon sa unsang paagi masugdan ang pagtuon ginamit ang librong Mabuhing Walay Kataposan.
15 min: Pahayag nga binase sa artikulo, “Makatabang Sila Kanimo sa Pagwali” diha sa Pebrero 15, 1989 nga Bantayanang Torre, mga panid 22-4.
Awit 63 ug paniklop nga pag-ampo.