Mga Tigom nga Motabang Nato sa Paghimog Tinun-an
SEMANA SA HUNYO 12-18
10 min: Lokal nga mga pahibalo ug Mga Pahibalo gikan sa Atong Ministeryo sa Gingharian. Ipasundayag ang duha o tulo ka mubong presentasyon sa magasin nga tukma alang sa lokal nga teritoryo, nga ang matag usa nagapasiugda lamang ug usa ka artikulo.
20 min: “Dinaliang Imantala ang mga Paghukom ni Jehova.” Pangutana-ug-tubag nga panaghisgot sa artikulo. Pahibaloa ang kongregasyon sa panahon ug dapit sa bisan unsang dugang mga tigom sa dayon na nga pagsangyaw sulod sa Hunyo nga kampanya sa librong Pinadayag. Ipasundayag sa batid nga magmamantala ang presentasyon nga gipasukad sa impormasyon diha sa parapo 5. Tagda ang gisitar nga mga teksto segon sa itugot sa panahon.
15 min: Mga Batan-on Kinsa Mihupot ug Integridad. Makapalig-ong pakigpulong nga nagapasiugda sa mga eksperiyensiya sa 1989 Yearbook bahin sa pagtuon sa mga batan-on sa Austria. Ilakip ang mga panid 111-12, 118-19, ug 123-5.
Awit 160 ug paniklop nga pag-ampo.
SEMANA SA HUNYO 19-25
10 min: Lokal nga mga pahibalo. Taho sa kuwenta. Dayega ang kongregasyon alang sa materyal nga suportar nga gihatag, ug ibungat ang pulong sa apresasyon para sa mga amot nga gipasalamatan sa Sosyedad. Larawa ang mga kahikayan sa pag-alagad sa kanataran alang sa umaabot nga semana ug dasigang mga grupo sa pamilya sa pagpakig-ambit sa pamalaybalay nga ministeryo sa unang Domingo sa Hulyo.
20 min: “Pagtanyag sa Maayong Balita—Pinaagig Bug-os nga Paggamit sa Basahong Nangatarongan.” Pangutanag tubag. Ipasundayag ang pasiuna nga gihikyad diha sa parapo 3 ug ang sugyot sa pagbuntog sa pagsupak nga gihisgotan diha sa parapo 4.
15 min: “Padayon sa Pagpangita sa Natagong Bahandi.” Pakigpulong gibase sa artikulo sa Marso 15, 1989 nga Bantayanang Torre, mga panid 4-6. Gamita ang aktuwal nga mga ehemplo nga gihisgotan sa artikulo aron ipakita ang importansiya sa paggamit sa tanang publikasyon sa Sosyedad sa dihang magtuon o maghimog panukiduki bahin sa mga pangutana sa Bibliya.
Awit 180 ug paniklop nga pag-ampo.
SEMANA SA HUNYO 26–HULYO 2
8 min: Lokal nga mga pahibalo ug “Pangutana” sa panid 4. Larawa ang mga kahikayan sa pag-alagad sa kanataran para sa umaabot nga semana, nga nagapahinumdom sa tanan sa buluhatong magasin sa ika-2 nga Sabado sa Hulyo.
20 min: “Pagpasulod sa Sugo sa Diyos ‘Nganhi sa Atong Kahiladman.’” Pangutana-ug-tubag nga sesyon sa unang upat ka parapo. Ang igsoong lalaki nga modumala niining bahina modapit unya sa duha ka sumbanang mga magmamantala ngadto sa plataporma alang sa panaghisgot nilang tulo sa mga parapo 5-7. Mahimong hangyoon nga sa mubo mosulti bahin sa apresasyon sa mas bag-ong mga publikasyon. Isugid sa grupo kon sa unsang paagi sila o ang uban nabenepisyohan gikan sa personal nga pagtuon ug panukiduki.
17 min: Inadlawng mga Pahinumdom sa Paglig-on sa Espirituwalidad. Takos nga igsoong lalaki mohisgot uban sa duha o tulo ka magmamantala kon sa unsang paagi ang mga indibiduwal ug mga grupo sa pamilya nabenepisyohan gikan sa inadlawng mga pahinumdom sama sa inadlaw nga teksto, tinuig nga teksto, ug impormasyon maylabot sa kalendaryo. Gikinahanglan ta ang mga pahinumdom gikan kang Jehova. (Sal. 119:2; Buh. 17:11) Ipakita kon sa unsang paagi ang kanunayng mga pahinumdom makapalig-on kanato ug magmapuslanon gayod diha sa ministeryo.
Awit 91 ug paniklop nga pag-ampo.
SEMANA SA HULYO 3-9
8 min: Lokal nga mga pahibalo ug Teokratikanhong mga Balita.
20 min: “Nagagamit Ka ba ug Tukmang Pasiuna?” Pangutana-ug-tubag nga pagtagad sa artikulo. Palig-onang tanang maninguhang pauswagon ang mga introduksiyon. Bansayon kana kauban sa uban, ginamit ang mga sugyot sa librong Nangatarongan. Sa pagtagad sa mga parapo 4-6, himoon ang mubong mga pasundayag sa takos-kaayong mga magmamantala nga suod nilang masundog ang mga pasiuna diha sa librong Nangatarongan.
12 min: Lokal nga mga panginahanglan, o himoon sa takos nga konduktor sa Pagtuon sa Basahon sa Kongregasyon ang pagtabang sa grupo sa duha o tulo ka magmamantala sa pagpili sa maayong pasiuna nga magamit sa dihang itanyag ang ‘brochure’ nga Ang Kagamhanang Magpatunghag Paraiso sulod sa Hulyo ug Agosto. Gamitang mga panid 9-15 sa librong Nangatarongan para sa tukmang mga sugyot, ilabina kadtong maylabot sa Gingharian. Ipatugbaw usab sa grupo ang maayong mga puntong igsusulti diha sa ‘brochure’ nga mahimong epektibo sa pagpahimutang niana.
5 min: Mga Eksperiyensiya. Ipasugid sa mga magmamantala ang duha o tulo ka mubong mga kasinatian maylabot sa mga resulta sa pagtanyag sa librong Pinadayag sulod sa Hunyo, ilabina kon ang maayong interes napukaw pinaagig mensahe niana.
Awit 92 ug paniklop nga pag-ampo.