Pangutana

● Husto ba nga mosulat sa Sosyedad o sa mga sangang opisina niana alang sa mga adres sa mga tawo nga buot mong sulatan maylabot sa negosyo o ubang personal nga mga butang?

Ang tanang adres nga anaa sa mga payl sa Sosyedad ug sa mga payl sa kongregasyon maoy konpidensiyal ug dili ikahatag alang sa personal nga paggamit. Busa, walay usa nga mosulat ngadto sa Sosyedad o sa mga sangang opisina niana, nga maghangyo sa maong impormasyon.

Ang kongregasyon kinahanglang mopunting sa katuyoan ug buluhaton niana nga nagalangkit sa atong tibuok-kalag nga pahinungod ngadto kang Jehova ug sa pagbuhat sa iyang kabubut-on. Dili ang Sosyedad ni ang kongregasyon malambigit sa iyang kaugalingon sa pagsuportar o pagpalambo sa mga kalihokang negosyo. Ang maong mga pangagpas isipon gayod ingong pribadong komersiyal nga mga pangita. Ang mga magmamantala nga gustong mosulat sa mga igsoon sa ubang mga siyudad ug bisan sa ubang kanasoran maoy mangunay sa pagpaigo sa maong mga butang alang sa ilang kaugalingon.