Pasidunggi ang Maglalalang sa Tanang Butang
1 Sa ika-19 ka siglo, si Satanas mipatungha ug maliputong laraw sa pagbuta sa katawhan—ang teoriya sa ebolusyon. (2 Cor. 4:4) Kining teoriyaha maoy usa ka mapagawalong paglimod sa asoy sa Bibliya sa paglalang ug sa pagkahulog sa tawo ngadto sa sala. Kini nagapakawang sa halad lukat ni Jesus ug sa mga pagtulon-an sa Bibliya sa Gingharian ug sa walay kataposang kinabuhi. Dugang pa, ang teoriya sa ebolusyon nagabukas sa dalan sa kapintasan ug gubat, seksuwal nga imoralidad, ug sa tanang matang sa pagkamalapason. Kinsa man ang magapasidaan sa katawhan bahin sa kapeligrohan niining makapatay nga pagtulon-an?
2 Sa bulan sa Hulyo kita ang magahimo niana, kay kita puliki unya sa pagmantala sa pagkamaglalalang ni Jehova. Sa balay-balay nga ministeryo, sa buluhaton sa kadalanan, sa pupanahong mga pahulay diha sa atong sekular nga trabaho, ug sa tunghaan, atong ipaila ang librong Life—How Did It Get Here? By Evolution or by Creation? Tinguha natong masayod ang tanan kon sa unsang paagi ang teoriya sa ebolusyon nagatampalas sa Maglalalang sa katawhan.
3 Ihatag ang Epektibong Pamatuod: Sa dihang nagapamatuod sa impormal o sa balay-balay, buot mong sugdan ang usa ka kukabildo pinaagig paghisgot sa tipik nga mga balita mahitungod sa mga opinyon nga gihuptan sa pipila ka tawo sa ulohan sa ebolusyon. Bisan tuod ang usa ka tawo malagmit nakabasa o nakadungog na pag-ayo bahin sa mga pangatarongan ug mga lantugi niining ulohana, sa walay duhaduha makaplagan niyang makaiikag ang madayganong pahayag sa Bibliya sa maong butang. Unya hisgoti kon unsay giingon sa Hebreohanon 3:4. Basaha ang teksto ug sa mubo komentohi kini.
4 Kon ang tawo magpakita nga maorag relihiyoso, ikahisgot mo nga ang mga relihiyosong tawo usab sagad nagapasidungog sa usa ka di-persona nga “Kinaiyahan” inay kay sa Diyos ingon nga ang nagapaluyong mamugnaong puwersa sa tanang kahibulongang mga butang nga makita nato sa palibot. Apan ang Bibliya tin-aw nga nagapaila sa maglalalang niining kahibulongang uniberso. Imong madala ang pagtagad sa Pinadayag 4:11. Mahimong ikadugtong nimo ang usa o duha ka tinong punto sa librong Creation ug, kon tukma, dasiga siya sa pagbasa niini.
5 Sa Tunghaan: Sa dihang mosugod ang bag-ong tuig sa pag-eskuwela, kamong tanan nga batan-ong mga alagad ni Jehova buot nga morepaso sa inyong librong Creation ug tagda ang mga paagi sa pagpainteres niini sa mga isigkaestudyante ug inyong mga magtutudlo. Nakaplagan sa pipila nga ang pagbilin lang sa basahon diha sa lamesa nagadapit na ug mga panaghisgot. Ang uban miduol sa mga magtutudlo ug mga nagadumala sa tunghaan maylabot sa ulohan sa paglalang ug nakapanagtag ug ubay-ubay nga mga libro nianang paagiha.
6 Kitang tanan nagamaya sa palaabuton nga mabuhi sa usa ka kalibotan diin ang tanan magapasidungog kang Jehova, ingon sa gipahayag sa Pinadayag 4:11. Busa hinaot nga atong gamiton ang librong Creation sa pagpasidungog kaniya diha sa atong ministeryo sa Hulyo!