Pagtanyag sa Maayong Balita—Uban sa Librong Creation
1 Dagaya ang pamatuod nga ang usa ka Maglalalang nagalungtad ug nga siya interesado sa iyang linalang. (Roma 1:20, 21; Pin. 4:11) Sa Septiyembre aduna kita ing higayon sa pagpresentar sa kamatuoran maylabot sa paglalang samtang atong itanyag ang librong Life—How Did It Get Here? By Evolution or by Creation?
2 Dugang pa sa atong pamalaybalay nga ministeryo, ikatanyag ta ang basahong Creation sa kadalanang buluhaton ug samtang nagapamatuod sa impormal nga paagi. Maanindot kini nga libro nga modani sa mga ahente, mga negosyante, ug sa uban nga kita nagapakiglabot. Unya anaa silang rota ta sa magasin, o kadtong regular tang ginaduaw pero wala pa makakuha niining libroha. Di kaha sila ganahan sa pagbasa niining maanindot kaayong basahon?
3 Mga batan-on diha sa kongregasyon, aduna kamoy teritoryo nga inyong kaugalingon, ug kanang teritoryoha anaa sa eskuwelahan. Nasulayan mo na ba sa pagdala lang ug usa ka kopya sa librong Creation ngadto sa eskuwelahan? Ang mga tawo nga makisayron basin mangutana kanimo bahin niana. Kon ibilin mo ang usa ka kopya nga makita diha sa imong talad-sulatanan o basahon kana sa panahong tingpaniudto, hayan nga makaplagan mo nga ang uban magpakisayod kon unsaon nila sa pagkabaton ug usa ka kopya.
4 Ang tanan kanato magmaigmat sa mga kahigayonan sa pagtanyag niining basahona ngadto sa mga batan-on nga atong mahibalag sa ministeryo. Kon mahibalag ta ang mga ginikanan sa mga ganghaan, human matagad ang Ulohan nga Mahisgotan, atong ikatanyag ang libro ug ipatin-aw ang pagkamapuslanon niana ngadto sa ilang mga anak. Sanglit kay ang ebolusyon sagad gitudlo sa eskuwelahan, ang maong libro makabulig sa ilang mga anak sa pagsabot kon unsa ang giingon sa Bibliya ug sa matuod nga siyensiya maylabot sa paglalang.
5 Ang uban mahimong dili motuo sa ebolusyon ug busa hayan dili sa linain interesado sa maong ulohan. Apan sagad silang mabalak-on bahin sa kasakitan sa kalibotan ug bahin sa ugma-damlag. Alang sa maong mga tawo, mahimong atong ikapasiugda ang kapitulo 16 o 19.
6 Kon ang tagbalay magduhaduha sa pagtuo sa Bibliya, imong madala siya ngadto sa mga kapitulo 17 ug 18 sa “Can You Trust the Bible?” ug sa “The Bible—Is It Really Inspired by God?”
7 Buot tang daghang mga tawo kutob sa mahimo ang makaapresyar nga si Jehova mao ang Maglalalang. (Buh. 17:24-28) Busa ipaabot ta ngadto sa tanan ang kahigayonan sa pagbasa sa librong Creation sa Septiyembre.