Tabangi ang Uban sa Pagpabili sa Atong Dakong Maglalalang
1 Samtang atong panid-an ang kalalangan sa atong palibot, kita walay duda sa paglungtad sa usa ka Maglalalang ug siya interesado kaayo sa atong kaugmaon. (Roma 1:20) Ang librong Life—How Did It Get Here? By Evolution or by Creation? nagpahait sa atong apresasyon sa atong Maglalalang. Kini usab nakabulig kanato sa pagpatin-aw sa uban kon sa unsang paagi gayod ang kinabuhi naglungtad.
2 Usa ka indibiduwal nga may kasinatian sa siyensiya miingon nga ang librong Creation mao ang labing maayong basahon nga iyang nabasa sukad-masukad alang sa pagpabili sa kinabuhi. Miingon ang usa ka propesor sa kolehiyo: “Wala pa gayod ako kanhiay makakita sa maong maayo-pagkapresentar nga argumento dapig sa paglalang.” Nga dayag, ang librong Creation nakaabag sa daghan sa pagpabili sa atong dakong Maglalalang, si Jehova.
PAHIMUSLI ANG TANANG KAHIGAYONAN
3 Sa Septiyembre, ato na usab nga itanyag kining basahona diha sa ministeryo sa kanataran. Dugang pa sa regular nga buluhatong pamalaybalay, atong ikatanyag ang librong Creation sa buluhaton sa kadalanan ug sa dihang magsangyaw nga impormal. Ikatanyag ta kini ngadto sa mga klasmet, mga kaubanan sa trabaho, mga paryente, ug mga higala. Aduna na bay kopya ang imong mga gitun-an sa Bibliya? Aduna ka ba ing rota sa magasin? Hayan gusto silag usa ka kopya. Pahimusli ang kada higayon sa pagtanyag sa basahong Creation niining bulana.
4 Daghang batan-on nagmalamposon sa pagpahimutang sa librong Creation didto sa eskuwelahan. Nasulayan mo na bang magdala ug usa ka kopya ngadto sa eskuwelahan? Kon kadtong mapakisayron mangutana, ikaw makapamatuod kanila. Ang pipila ka magmamantala nagmalamposon nga nagsangyaw sa kadalanan nga gawas na sa eskuwelahan ug nagtanyag sa maong basahon ngadto sa mga estudyante.
GAMITANG ULOHAN NGA MAHISGOTAN
5 Mohaom kaayo ang tanyag uban sa atong Ulohan nga Mahisgotan, “Simbaha ang Maghahatag sa Kinabuhi.” Sa pagtanyag sa libro, ikaw makaingon: “Daghang tawo interesado sa pagkasayod kon sa unsang paagi misugod ang kinabuhi. Ikaw ba gayod naghunahuna bahin niana? [Patubaga.] Adunay nagkalainlaing mga opinyon, apan tagdon ta ang pagpatin-aw sa Bibliya. [Basahang Hebreohanon 3:4.] Sa makataronganon ang kada tinukod nga atong makita karon aduna ing nagdesinyo ug magtutukod niana. Maoy dayag, nga ang labaw pang komplikado nga uniberso aduna gayoy usa ka maglalalang. Sumala pa sa Hebreohanon 3:4, ang Maglalalang mao ang Diyos. Apan sa unsang paagi kini mag-apektar kanato? [Basahang Pinadayag 4:11.] Busa ang maalamong tikang nga batonan samtang aduna pay panahon mao ang pagkat-on sa kabubut-on sa Maglalalang ug sa pagpahiuyon sa atong mga kinabuhi niana.” Dayon itanyag ang libro, nga nagapunting kon sa unsang paagi kana nagapakita sa paglungtad sa tawo dinhi ug kon sa unsang paagi ang pagkamasinundanon ngadto sa atong Maglalalang motultol sa kinabuhing dayon.
6 Pagkamalipayon ta nga aduna niining matahom-pagkailustrar 256-panid nga libro nga nagapatin-aw sa kamatuoran bahin sa ebolusyon ug sa paglalang! Sa una gayod, hinuon, kining libroha nagapasidungog sa atong Dakong Maglalalang. Kini nagpasiugda niana pinaagig pagpahibalo kanato kon sa unsang paagi ang kinabuhi milungtad dinhi, ang kahibulongang katuyoan ni Jehova sa pagbalaan sa iyang ngalan, ug ang iyang saad sa pagpanalangin sa katawhan pinaagi sa Gingharian.