Pagwali ug Kagawasan sa mga Binihag
1 Ang usa ka tawo nga may kahibalo sa siyensia kinsa nakabasa sa Life—How Did It Get Here? By Evolution or by Creation? miingon: “Nakadayeg ako sa katin-aw ug gahom ning bag-ong basahon. Nagtuo ako nga mao kini ang labing maayong basahon bahin siyensia nga akong nabasahan aron sa pag-ugmad sa pagpabili sa kinabuhi. Komplikado kini, apan sa punto nga mapabilhan ni bisan kinsa. Ingon ba niana ang imong gibati?
2 Si Satanas migamit sa daghang mga paagi ingon man sa mga “pagtulun-an sa mga demonyo” aron sa pagbuta sa mga hunahuna sa katawhan. (1 Tim. 4:1; 2 Cor. 4:4) Ang usa sa maong pagtulun-an mao ang ebolusyon, ug ang libro nga Creation makatabang kanato sa “pagwali ug kagawasan” niadtong naulipon niining maong teorya. (Lucas 4:18) Sa bulan sa Septiyembre atong itanyag ang libro nga Creation sa atong ministeryo.
PAGLUMPAG SA “GAMHANANG MGA BUTANG”
3 Ang teorya nga ebolusyon maoy usa sa “gamhanang mga butang,”oo usa ka “binayaw nga butang nga gipatindog batok sa kahibalo sa Diyos.” (2 Cor. 10:4, 5) Apan si Jehova nagtagana kanato ug gamhanan espirituwal nga mga hinagiban aron sa paglumpag sa maong mga pangatarongan. Human mabasa ang librong Creation, ang usa ka propisor sa kolehiyo nga miingon nga siya ateyista miadmiter: “Wala pa ako makakita ug sama nianang maayong pagkapresentar nga argumento alang sa paglalang.” Ang pila ka mga magtutudlo ug mga estudyante sa kolehiyo midawat sa librong Creation apan midumili sa ubang mga publikasyon. Nganong dili man manlimbasog nga tanyagan ang mga tawo sa inyong teritoryo ning maong tanyag?
TANYAGAN ANG TANAN SA LIBRONG CREATION
4 Kamo bang mga nagatunghang magmamantala nagtanyag sa Creation nga libro sa inyong mga magtutudlo ug isigka-istudyante? Himoa kana sa Septiyembre? Human madawat ang libro, ang usa ka magtutudlo miingon: “Dili na kinahanglang irgohan pa ang ebolusyon. Akong nabasa ang Creation nga libro ug tin-aw na ang tanan. Nakaplagan ko na ang mga tubag nga akong gipangita.”
5 Imo bang gitanyag ang Creation nga libro sa imong mga estudyante sa Biblia? Ang usa ka babaye misulat: “Nagsugod pa lang ako pagtuon uban sa mga Saksi. Nakaapresyar kaayo ako sa inyong publikasyon nga Life—How Did It Get Here?” Dayon midugang siya: “Gihimo ninyo kining maong lalom nga ulohan nga sayon sabton—dakong kalamposan kini, ilabina kon palandongon ang makinaadmanong pagsusi ang gihimo alang ning maong libro.”
6 Ang libro nga Creation mahatukma sa Ulohan nga Pagahisgotan nga “Ang Kagamhanan nga Maghatod ug Paraiso.” Human mabasa ang Isaias 11:6-9, imong mapakli ngadto sa panid 243 ug ipakita ang ilustrasyon didto sa usa ka bata nga nagdula ug mga tigre. Imong ikahatag ang ideya kon unsa ang paraiso pinaagi sa pagbasa lamang sa mga sub-ulohan sa tibuok kapitulo 19 sa maong libro. Ipakita nga ang teorya sa ebolusyon wala magtanyag ug bisan unsang paglaom saylo niining atong kinabuhi, samtang ang Biblia nagsaad ug kinabuhing walay kataposan sa paraiso.
7 Tabangan nato nga mapagawas kadtong nabihag sa bakak nga pagtulun-an pinaagi sa maayong paggamit sa libro nga Creation sa bulan sa Septiyembre.