Tabangi ang Uban sa Pagpasidungog sa Atong Magbubuhat
1 Gibati ba nato ang sama sa salmista sa dihang siya miingon: “O Jehova, . . . kanimo anaa ang tuboran sa kinabuhi”? (Sal. 36:5, 9) Sa unsang paagi matabangan nato ang uban sa pagpasidungog sa atong Maglalalang? Pinaagig pagtanyag sa Life—How Did It Get Here? By Evolution or by Creation? sa Hunyo. Kining libroha nagataganag solidong ebidensiya sa paglungtad sa Diyos ug tin-awng nagapakita kon nganong dili tinuod ang ebolusyon.
2 Ania ang usa ka yano, diretsong presentasyon.
Human sa pagtimbaya sa tagbalay, ipakita ang hulagway sa panid 6 ug mangutana:
◼ “Sa unsang paagi nagsugod ang kinabuhi niining yutaa? Ang pipila moingon nga kadto maoy pinaagig aksidente. Ang Bibliya nagahatag sa tanang pasidungog sa Diyos. Unsay imong hunahuna? [Tugoting motubag.] Kining libroha nagataganag mga tubag nga bug-os nahiuyon sa Bibliya ug sa siyentipikanhong mga kamatuoran. Buot nakong mabatonan mo kini aron imong marepaso ang tanang ebidensiya ug makahukom sa imong kaugalingon.”
3 Human ikapailang kaugalingon, ikaw makaingon:
◼ “Niining siyentipikanhong kalibotan, mapuslanon ba ang pagtuo diha sa paglalang, o gihunahuna ba nimo nga kita miabot dinhi pinaagig sulagma? [Tugoting motubag.] Matikdi ang pangatarongan sa Bibliya niining butanga. [Basahang Hebreohanon 3:4.] Dili ka ba mouyon nga ang matag tinukod adunay magtutukod? Busa, mahimo ba nga ang uniberso molungtad pinaagi sa kaugalingon?” Ipakita ang ilustrasyon sa panid 114 sa librong Creation, ug dayon hisgoti ang punto sa parapo 2 sa panid 115. Kon ang tagbalay mokuha sa libro, sultihi siya nga sa sunod nimong pagduaw imong hisgotan ang pangutanang, Unsa ang kaugmaon sa tawo ug sa yuta?
4 O human sa pagtimbaya sa tagbalay, makaingon ka:
◼ “Unsay imong hunahuna kon sama sa unsa ang hitsura sa atong unang mga ginikanan? [Tugoting motubag.] Sama ba silag hitsura niining ‘tawong-aliwas’? [Pakliang panid 83 sa librong Creation.] Matikdi kon unsa ang giingon sa Bibliya sa Buhat 17:26. [Basaha.] Nan, asa man gipasukad ang mga dibuho sa ‘tawong-aliwas’?” Dalhang pagtagad ngadto sa ulohan ubos sa hulagway sa panid 89.
5 Hayan ang laing paagi mao ang pagpunting sa hapin sa librong “Creation” ug moingon:
◼ “Karong adlawa kami nagapangutana sa among mga silingan, Miabot ba ang tawo dinhi pinaagig ebolusyon o pinaagig paglalang? Unsay imong hunahuna? [Tugoting motubag.] Bisan pag daghan kaayong edukadong katawhan ang nagatuo sa ebolusyon, matikdi kon unsa ang giingon sa usa ka astronawt kanhi. [Ipakitang p. 122, par. 14.] Kinahanglang susihon nato sa personal ang ebidensiya aron pagtino kon hain ang atong angayng tuohan—ang ebolusyon ba o paglalang.”
6 Ikaw ba nangandoy sa pagtabang sa uban nga makakat-on sa kamatuoran bahin sa atong Maglalalang ug sa iyang mahigugmaong katuyoan? Ang librong Creation makabulig kanimo sa pagbuhat niana. Kini nagapasidungog sa atong Dakong Maglalalang pinaagig pagpaila sa iyang kahibulongang katuyoan sa pagpanalangin sa katawhan pinaagi sa Gingharian ni Kristo.