Mga Tigom nga Motabang Nato sa Paghimog Tinun-an
SEMANA SA ABRIL 8-14
10 min: Lokal nga mga pahibalo ug Mga Pahibalo gikan sa Atong Ministeryo sa Gingharian. Larawa ang mga kahikayan sa pag-alagad sa kanataran alang sa semana. Ibutyag ang dagkong puntos sa Abril 1 ug 8 nga mga magasin nga magamit sa buluhatong magasin.
20 min: “Magmapinadayonon sa Pagpanudlo.” Pangutanag tubag. Human matagad ang parapo 2, ipasundayag sa batid nga mga payunir o mga magmamantala ang paagi sa pagtanyag sa suskrisyon ngadto sa tawo nga nagapakitag tinuod nga interes sa mensahe sa Gingharian. Tapos sa mga parapo 3 ug 4, ipatagad sa duha ka madasigong magmamantala kon sa unsang paagi ilang ipadapat kining mga sugyota sa Abril.
15 min: “Pagtanyag sa Maayong Balita—Uban sa mga Magasin.” Hisgotan sa pangutanag tubag. Sa pagtagad sa parapo 8, ipasundayag kon sa unsang paagi matukod ang rota sa magasin uban sa tawo nga nagapakitag tiunayng interes, nga nagapasiugda sa artikulo nga may lokal nga interes sa maong magasin.
Awit 122 ug paniklop nga pag-ampo.
SEMANA SA ABRIL 15-21
10 min: Lokal nga mga pahibalo. Taho sa kuwenta. Ilakip ang mga balos-pasalamat sa donasyon. Pahinumdomi ang tanan nga miagi na ang tungatunga sa Abril, busa ang bisan kinsa nga nagakinahanglan ug tabang nga makasangyaw sa di pa ang Abril 30 kinahanglang tabangan na karon.
20 min: “Paghimog Kauswagan sa Ministeryo.” Panaghisgot tali sa batid nga ansiyano ug igsoong lalaki nga modula sa papel nga dugaydugay na sa kamatuoran pero walay pag-uswag. Himoon nila ang mubong pasundayag sa praktis sesyon nga gipunting sa parapo 3. Sa paghisgot sa parapo 4, ipakita sa payunir ngadto sa kulang-eksperiyensiya nga magmamantala kon unsaon sa pagdumala sa kahimtang nga usahay mahibalag diha sa lokal nga teritoryo. Ilakip ang mga sugyot nga anaa sa Abril 22, 1986 nga Pagmata!, mga panid 23-27 (Agosto 1, 1985 sa Watchtower, pp. 15-20), maylabot sa paghaylo sa kasingkasing.
15 min: “Pagdayeg Kang Jehova sa Awit.” Makapalig-ong pakigpulong sa artikulo. Gamita ang mga awit sa programa niining gabhiona aron iilustrar ang mga puntos nga gipasiugda diha sa artikulo.
Awit 104 ug paniklop nga pag-ampo.
SEMANA SA ABRIL 22-28
10 min: Lokal nga mga pahibalo. Teokratikanhong mga Balita. Hisgoti ang mga kahikayan sa pagsangyaw ug ibutyag ang dagkong puntos sa kinabag-ohang mga magasin. Ikaasoy man ang mga eksperiyensiya sa pagtanyag sa mga suskrisyon. Palig-ona ang tanang oksilyare nga mga payunir sa pagkab-ot sa ilang 60-oras nga tumong, ug tagdon nga mapadayon kana ngadto sa Mayo kon posible.
20 min: “Pag-ani nga Nagakaangay sa Atong Personal nga Panikaysikay.” Pangutanag tubag nga pagtagad sa Atong Ministeryo sa Gingharian nga suplemento, mga parapo 1 ngadto sa 8. Ipasiugda ang importansiya sa pagpadapat sa atong nakat-onan.
15 min: Ang mga Benepisyo sa Regular Pamilyahanong Pagtuon. Sa daghang katuigan ang kapunongan ni Jehova nagdasig na sa mga ulo sa pamilya nga magdumalag regular nga pagtuon sa Bibliya uban sa mga membro sa banay. Sa gihimo kini, ang mga kaayohan maoy daghan. Nakaamot kini sa espiritu sa gugma ug kalinaw sulod sa pamilya. Ang mga bata nanag-uswag ngadto sa pahinungod ug bawtismo, nakahimog positibong impluwensiya sa kongregasyon, ug sagad nakasulod sa tibuok-panahong pag-alagad. Interbiyuha ang usa ka ulo sa banay nga maayong panig-ingnan niini, nga nagapasiugda sa mga kaayohan nga ilang naani tungod sa pagsunod sa tambag ni Jehova niining butanga.
Awit 221 ug paniklop nga pag-ampo.
SEMANA SA ABRIL 29–MAYO 5
10 min: Lokal nga mga pahibalo. Usab pahinumdomi ang tanan sa Mga Pahibalo sa panid 7 bahin sa paghatag sa Abril nga mga report gilayon sa kataposan sa maong bulan.
20 min: “Pag-ani nga Nagakaangay sa Atong Personal nga Panikaysikay.” Pangutanag tubag nga pagtagad sa Atong Ministeryo sa Gingharian nga pakapin, mga parapo 9 ngadto sa 16. Basaha ang tanang parapo ug gisitar nga mga teksto. Ipadapat sa lokal nga mga kahimtang, nga nagapasiugda nga ang matag usa magaani nga madagayaon sumala lamang sa gidak-on sa personal nga panlimbasog sa pagpadapat sa tambag nga gihatag.
15 min: Andama ang Epektibong mga Pasiuna. Ansiyano nga epektibo diha sa ministeryo sa kanataran motabang sa mga magmamantala sa pag-andam sa mga introduksiyon nga tukma alang sa lokal nga teritoryo. Ipasukad ang mga sugyot sa mga panid 9-15 sa librong Nangatarongan. Hisgoti ang duha o tulo ka pasiuna nga magamit uban sa kinabag-ohang Ulohan nga Mahisgotan o sa ubang nunot-panahong ulohan. Ipasundayag sa batid nga mga magmamantala ang duha ka pamalaybalay nga presentasyon nga nagagamit sa Ulohan, “Gingharian sa Diyos—Ang Paglaom sa Katawhan.” Idasig ang paggamit sa lainlaing lunhawng mga pasiuna inay kay balikbalikon ra ang maong ulohan. Makatabang ang praktis sesyon sa dili pa moadto sa kanataran nga kini masilsil ug maayo sa hunahuna.
Awit 126 ug paniklop nga pag-ampo.