Magmapinadayonon sa Pagpanudlo

¹ Wala magpaduhaduha kanato ang Bibliya maylabot sa matang sa teritoryo nga nabatonan sa unang Kristohanong mga tinun-an. Wala madugay human sa kamatayon ni Jesus, ang mga awtoridad nagpasidaan kanila nga dili “mohimog unsa mang paghisgot o pagpanudlo” bahin kang Jesus. (Buh. 4:18) Ngano? Ang usa ka rason mao ang nakapahinganghang kalamposan nga ilang nahimo. Mga linibo ang nahimong mga magtutuo, ingon sa gitaho sa Buhat 4:4: “Daghan kanilang nakadungog sa pakigpulong nanagtuo, ug ang gidaghanon sa mga lalaki miabot sa mga lima ka libo.”

² Tungod kay kita nagamapinadayonon man sa pagpanudlo, mga ginatos ka linibo, oo, mga minilyon ang nahimong mga magtutuo sa atong adlaw. Sa Abril aduna kita ing pribilehiyo sa pagtanyag sa suskrisyon sa Bantayanang Torre. Walay duhaduha nga ang Bantayanang Torre naghimog hinungdanong papel sa paghimo sa mga tawo nga mahunahunaon sa ilang espirituwal nga panginahanglan. Kini mitultol ngadto sa kalipay sa daghan, samtang sila nakakat-on sa pagbuhat sa kabubut-on ni Jehova.​—Itandi ang Mateo 5:3.

ABOTA ANG TANAN

³ Bisan tuod aduna kitay teritoryo nga siging gikobrehan, mahimong posible pa nga makigsulti sa pipila nga diyutay ra ang kahigayonan sa pagpatalinghog sa maayong balita. Sa unsang paagi? Sa teritoryo nga di-maabot sa pultahan-ngadto-sa-pultahang ministeryo, nganong di-pahimuslan ang sugyot nga gibutyag sa atong distritong kombensiyon nga moambit diha sa pagpamatuod sa telepono, o sa pagsulat ug mga sulat? O maghimog linaing panlimbasog sa pagpakigsulti sa lalaki sa maong balay sa dihang nagasangyaw. Pinaagig paghupot sa hapsay nga ‘house-to-house records,’ mahimong atong makaplagan ang ubang mga membro sa pamilya, sama sa usa ka apohan-babaye, pag-umangkon o ig-agaw nga nagaeskuwela, o usa ka bayaw-babaye nga nagatrabaho sa mga adlawng-tingtrabaho. Ang ekstrang panlimbasog sa pagpakigsulti ngadto sa matag membro sa banay mahimong magantihon uyamot.

⁴ Adunay daghang maayong mga paagi sa pagkuhag mga suskrisyon sa maong bulan. Ang usa mao ang pagdapit sa atong mga estudyante sa Bibliya ug ubang interesadong mga tawo sa pagsuskriber. Tingali ang usa sa atong mga ginatun-an sa Bibliya nagsuskriber na sa usa sa magasin. Nganong di mosugyot nga modawat siyag duha? Ang mga pamilya mapalig-on nga mokuhag suskrisyon sa Bantayanang Torre para sa kada membro sa banay aron sila makaandam alang sa pagtuon sa Bantayanang Torre. Ang laing sugyot mao ang pagtukod ug mga rota sa magasin ug dayon itanyag ang mga suskrisyon ngadto kanilang nagapakitag labaw kay sa naandang interes. Ato usab nga itanyag ang pagtuon sa Bibliya uban kanilang nagapakitag tinuod nga interes.

PADAKOA ANG IMONG MINISTERYO

⁵ Daghang linibo ang nagaalagad ingong katabang nga mga payunir sa Abril. Ikaw ba usa kanila? Kon mao, imong maplano nga mapadayon ang imong payuniring ngadto sa Mayo ug Hunyo! Ang tibuok pamilya ba makaambit sa payuniring sa Mayo? Kon ang interong banay dili makapayunir, kamo ba magkatinabangay aron ang usa o mas pang mga membro sa pamilya makapayunir? Kon dili, di ba posible labing menos sa paggugol ug dugang panahon sa ministeryo diha sa pagtanyag sa mga magasing Bantayanang Torre ug Pagmata!, nga adunay espesyal nga mga ulohan sa Abril ug Mayo?

⁶ Atong ginapabilhan ang espirituwal nga mga kaayohan ug mga panalangin nga atong nadawat pinaagig mga panid sa Ang Bantayanang Torre. Sayod kita nga ang mabuot-kasingkasing nga mga tawo sa atong teritoryo sa dagaya mabenepisyohan usab gikan sa pagbasa sa mga magasin sa regular nga paagi. Sa bulan sa Abril, ug ngadto sa Mayo, padayon kita sa atong pagpanudlo uban sa maayo kaayong mga instrumento nga gitagana ni Jehova alang kanato. Sa pagbuhat niini, atong maani ang panalangin ni Jehova ug mahimong panalangin ngadto sa uban.​—Gal. 6:9.