Mga Tigom nga Motabang Nato sa Paghimog Tinun-an
SEMANA SA MAYO 6-12
10 min: Lokal nga mga pahibalo ug Mga Pahibalo gikan sa Atong Ministeryo sa Gingharian. Subliang mga kahikayan sa pagsangyaw alang sa semana.
20 min: “Palig-ona ang Uban sa Pagbasa sa Ang Bantayanang Torre.” Hisgotan sa pangutanag tubag nga sundan sa duha o tulo ka mubong mga pagpatugbaw gikan sa mga magmamantala kon nganong ilang giapresyar Ang Bantayanang Torre ug kon sa unsang paagi sila nabenepisyohan tungod sa regular nga pagbasa niana. Ipakita ang usa ka pasundayag kon sa unsang paagi ang kinaulahiang gula magamit uban sa atong Ulohan nga Mahisgotan.
15 min: “Dili Ka ba Gustong Sawayon?” Pakigpulong gibase sa Pagmata! sa Pebrero 8, 1991. Larawon gayod sa mamumulong ang unom ka paagi nga ang pagsaway mahimong makapagana.
Awit 122 ug paniklop nga pag-ampo.
SEMANA SA MAYO 13-19
10 min: Lokal nga mga pahibalo ug taho sa kuwenta.
20 min: “Pagtuman sa Atong Ministeryo sa Gingharian sa Kongregasyon.” Pangutanag tubag nga sundan ug usa ka pasundayag nga ang konduktor sa pagtuon sa libro nagapatin-aw ngadto sa magtiayon kon sa unsang paagi magamit ang Index sa pagkaplag ug impormasyon maylabot sa ngano ug kanus-a ang mga pandong sa ulo gikinahanglan sa mga igsoong babaye.
15 min: Pakigpulong sa “Sa Kataposan Usa ka Hingpit nga Gobyerno!” sa mga panid 20-4 sa Disyembre 22, 1990 nga Pagmata!
Awit 128 ug paniklop nga pag-ampo.
SEMANA SA MAYO 20-26
10 min: Lokal nga mga pahibalo ug Teokratikanhong mga Balita.
15 min: Mosangyaw sa Pamalaybalay. Madasigon ug makapalig-ong pahayag nga gipasukad sa mga panid 84-87 sa Organisado sa Pagtuman sa Atong Ministeryo.
20 min: “Sugdi ug Taposa ang mga Tigom sa Panahon.” Hisgotan sa pangutanag tubag. Basaha ang tanang parapo.
Awit 8 ug paniklop nga pag-ampo.
SEMANA SA MAYO 27–HUNYO 2
10 min: Lokal nga mga pahibalo. Repasoha ang mga kahikayan sa paghinlo sa Kingdom Hall. Abagi ang mga igsoon sa pagpabili sa panginahanglan sa kooperasyon sa paghupot nga mahinlo sa dapit sa pagsimba kang Jehova. (Alang sa dugang impormasyon tan-awa ang artikulong “Gitahod Mo ba ang Inyong Kingdom Hall?” sa panid 3 sa Septiyembre, 1989 Atong Ministeryo sa Gingharian.)
20 min: “Pagtanyag sa Maayong Balita—Pagtanyag sa Pagpangita sa Katawhan sa Diyos.” Pangutanag tubag. Human matagad ang parapo 2, ipasundayag ang presentasyon nga gihisgotan. Kon adunay pipila ka teritoryo nga anaa maghan-ok ang mga tawong nagaangkong iya sa di-Kristohanong relihiyon, ang linaing panlimbasog pagahimoon sa Hunyo aron makobrehan kining mga dapita.
15 min: Timbang nga Paggamit sa Panahong Walay Buhat. Interbiyuha ang pipila ka batan-on bahin sa panahong walay buhat. Gamitang materyal gikan sa Mga Batan-on Nangutana nga libro, mga kapitulo 35 ngadto sa 37. Ang igsoong lalaking nagainterbiyu mosukna: Nganong gikinahanglan mo nga magmapilion sa imong pagabasahon? Unsaon mo man sa pagpilig tukmang basahonon? Unsa ang pipila sa makadaot nga mga epekto sa pagtan-awg TV, ug sa unsang paagi makontrol kini? Nganong wala ka ing nasayloan nga bisan unsa pinaagig dili pagsundog sa kalibotanong mga batan-on? Ngano ang pagsundog kanila peligroso? Unsa ang pipila sa mga paagi nga imong nakaplagan sa pagpahimulos sa maayong lulinghayaw? Ngano nga gikinahanglan ta nga magmatimbang niining bahina?
Awit 221 ug paniklop nga pag-ampo.
SEMANA SA HUNYO 3-9
5 min: Lokal nga mga pahibalo.
15 min: “Gamitag Maayo ang Atong mga Basahon.” Pangutanag tubag. Himoon ang duha ka pasundayag nga nagabutyag kon sa unsang paagi kita makapahiangay sa atong tanyag ngadto sa interes ug panginahanglan sa tagbalay.
10 min: Ang Buluhaton sa mga Atendant. Interbiyuha ang igsoong lalaki nga nagadumala sa mga atendant. Hisgoti ang ilang mga kaakohan ug kon sa unsang paagi ang kongregasyon makakooperar kanila. (Tan-awang Organisado sa Pagtuman sa Atong Ministeryo, mga panid 63-4, ug Atong Ministeryo sa Gingharian, Enero, 1990, panid 3.) Ang mga atendant magpaamgo gayod sa mga ginikanan sa panginahanglan nga dili makadisturbo kaayo ang ilang mga anak. Ang mga atendant usab nagapahapsay diha sa mga tigom, nagaihap sa mga nanambong, ug nagatabang sa mga tigulang ug mga baldado ngadto sa ilang lingkoranan.
15 min: Gamitang Tracts sa Ministeryo. Hisgoti ang lainlaing mga paagi nga ang lainlaing ‘tracts’ magamit. Pakomentoha ang tigpaminaw kon giunsa nila paggamit ang ‘tracts’ ug ipaasoy ang pipila sa ilang kasinatian. Sa Pebrero gihisgotan ta ang mga paagi nga magamit ang ‘tracts’ sa pagsugod ug mga pagtuon. Ipasugid ang mga eksperiyensiya bahin sa mga resulta nga ilang napahimuslan tungod sa pagsulay niini. Tan-awa usab ang Index sa ulohang “Tracts” alang sa ubang mga kasinatian sa paggamit niini.
Awit 12 ug paniklop nga pag-ampo.